پاکستان کے کوک اسٹوڈیو سے شہرت پانے والے گلوکار، نغمہ نگار اور میوزک کمپوزر شجاع حیدر نے دعویٰ کیا ہے کہ ان کے مشہور زمانہ باغی ڈرامے کے آفیشل گانے کو بھارتی میوزک ڈائریکٹر نے چوری کیا ہے۔
شجاع حیدر نے کہا کہ انہیں اس پر بالکل بھی فخر نہیں ہوا انہوں نے تنقید کا نشانہ بناتے ہوئے گانا چوری کرنے والے بھارتی میوزک ڈائریکٹر یاسر ڈیسائی اور راشد خان کو اپنے ٹوئٹ میں مینشن بھی کیا۔
سماجی رابطوں کی ویب سائٹ پر جاری کردہ اپنے پیغام میں شجاع حیدر نے اپنے گانے کے چوری کیے جانے کے عمل کو بالکل بھی پسند نہیں کیا، انہوں نے بھارتی موسیقاروں کی جانب سے گاتا پیارے پیا کو اپنے گانے باغی کی کاپی قرار دیا ہے۔
دوسری جانب ٹوئٹر صارفین نے ان کے اس دعوے کو بالکل درست قرار دیتے ہوئے شجاع حیدر کو اس کے خلاف کاپی رائیٹ کیس کا مشورہ دیا ہے۔
- Featured Thumbs
- https://www.siasat.pk/data/files/s3/3shujahaider.jpg
