بھارتی اسٹار کرکٹر ویرات کوہلی نے بنگلہ دیشی بیٹسمین کو چکما دینے کی ناکام کوشش کی جس پر بنگلہ دیش کرکٹ ٹیم نے ویرات پر دھوکہ دہی کا الزام لگادیا ہے۔
تفصیلات کے مطابق آئی سی سی ٹی 20 ورلڈ کپ میں بھارت اور بنگلہ دیش کے درمیان میچ میں بھارتی کرکٹر ویرات کوہلی نے وکٹس کے درمیان رنز لینے کیلئے دوڑتے بیٹسمین کو چکما دے کر آؤٹ کرنے کی کوشش کی تاہم بنگلہ دیشی بیٹسمین کریز پر پہنچنے میں کامیاب ہوگئے تھے۔
سوشل میڈیا پر اس واقعہ کی ویڈیو وائرل ہوئی ہے جس میں واضح طور پر دیکھا جاسکتا ہےکہ بنگلہ دیشی بیٹسمین جب رنز بنانے کیلئے وکٹوں کے درمیان دوڑ رہے تھے تب فیلڈر نے گیند پکڑ کر وکٹ کیپر کی جانب پھینکی ، درمیان میں موجود ویرات کوہلی نے گیند ہاتھ میں آئے بغیر ایسا تاثر دیا جیسے وہ گیند کو وکٹوں پر مارنے والےہیں، تاہم بیٹسمین نے ان کی اس حرکت کو نظرانداز کیا اور دوڑ جاری رکھی اوررنز مکمل کرلیا۔
میچ کے بعد بنگلہ دیش کرکٹ ٹیم کے کپتان نورالحسن نے میچ کے بعد الزام عائد کیا کہ ویرات کوہلی نے جعلی فیلڈنگ کی ہے، لہذا ہمیں بطور پنالٹی پانچ اضافی رنز دیئےجائیں۔
واضح رہے کہ ورلڈ کپ کے سپر12 مرحلے میں بھارت نے ڈک ورتھ لوئس میتھیڈ کے تحت بنگلہ دیش کو 5 رنز سے شکست دیدی ہے۔
- Featured Thumbs
- https://www.siasat.pk/data/files/s3/14nurulahasan.jpg
