آئی سی سی ٹی20 ورلڈ کپ کے ایک میچ کے دوران وکٹ کیپر کی معمولی غلطی پر ایک گیند کو نوبال قرار دیدیا گیا، یہ واقعہ بنگلہ دیش اور زمبابوے کے درمیان میچ کے دوران پیش آیا۔
تفصیلات کے مطابق زمبابوے اور بنگلہ دیش کے درمیان میچ میں بنگلہ دیشی وکٹ کیپر نورالحسن نے مصدق حسین کی گیند کو اسٹمپس گزرنے سے پہلے ہی ہاتھ آگے بڑھا کر پکڑ لیا اور جوش میں آکر بلیسنگ مزار بانی کو آؤٹ کرنے کیلئے بیلز کو اڑادیا ، تاہم ایمپائر نے اس گیند کو نوبال قرار دیدیا اور دونوں ٹیموں کو واپس میدان میں بلا کر ایک گیند دوبارہ کروائی۔
میچ کی اس آخری گیند کو نو بال قرار دیئے جانے پر زمبابوے کیلئے جیت کے امکانات بڑھ گئے تھے تاہم آخری گیند جو فری ہٹ بھی تھی اس پر زمبابوے کےبیٹسمین 4 رنز بنانے میں ناکام رہے اور صرف ایک سنگل بناسکے، جس کے بعد بنگلہ دیش 3 رنز سے میچ جیت گیا۔
انٹرنیشنل کرکٹ کونسل(آئی سی سی) نے ایمپائر کے اس فیصلے کے حوالے سے جاری پریس ریلیز میں تفصیلات بتاتے ہوئے کہا کہ آئی سی سی قوانین کے مطابق اگر ڈیلیور کی گئی گیند کو وکٹ کیپر اسٹمپس کراس کرنے سے پہلے پکڑ لے تو یہ گیند نو بال قرار دی جائے گی۔
- Featured Thumbs
- https://www.siasat.pk/data/files/s3/18aikaurnoball.jpg
