الیکشن کمیشن آف پاکستان کے پی ٹی آئی انٹراپارٹی انتخابات کالعدم اور ان کا پارٹی نشان واپس لینے کے فیصلے پر پشاور ہائیکورٹ نے حکم امتناع جاری کر دیا ہے۔
شاور ہائیکورٹ کے فیصلے کے مطابق کیس کا فیصلہ ہونے تک الیکشن کمیشن کا فیصلہ معطل تصور ہو گا اور چھٹیاں ختم ہونے کے بعد 2 رکنی بینچ کیس کی سماعت سماعت کرے گا۔پشاور ہائیکورٹ کے فیصلے کے بعد سماجی رابطوں کی ویب سائٹ پر ایک نئی بحث کا آغاز ہو گیا ہے۔
وجیہہ ثانی نے سماجی رابطوں کی ویب سائٹ ایکس (ٹوئٹر) پر اپنے پیغام میں لکھا کہ: اچھی خبریہ ہے کہ تحریک انصاف کوبلا کاانتخابی نشان واپس مل گیا ہے۔غیریقینی یہ ہے کہ پشاور ہائیکورٹ کادائرہ اختیار صرف خیرپختونخواہ تک لاگوہے جبکہ الیکشن کمیشن جس کی اپنی آئینی حیثیت ہائیکورٹ کےبرابرہےاس کادائرہ اختیارالیکشن معاملات میں پورے ملک پر نافذ ہوتا ہے۔
وجیہہ ثانی کے ایکس (ٹوئٹر) پیغام پر ردعمل میں سینئر صحافی بشیر چودھری نے لکھا:الیکشن کمیشن آف پاکستان کچھ دن پہلے ہی لاہور ہائیکورٹ کے فیصلے کی روشنی میں ریٹرننگ افسران (آر اوز) کی ٹریننگ کو روک کر ہائیکورٹ کے دائرہ اختیار کو تسلیم کر چکا ہے۔
سینئر صحافی عامر سعید عباسی نے ردعمل دیتے ہوئے لکھا: آئین کے آرٹیکل 199 کے تحت کوئی بھی ہائیکورٹ ایسا حکم جاری کرسکتی ہے!
سینئر صحافی فخر درانی نے اپنے ایکس (ٹوئٹر) پیغام میں لکھا کہ: پشاور ہائیکورٹ کے فیصلے کے بعد کل سٹاک مارکیٹ مزید نیچے جائے گی کیونکہ جب تک غیریقینی صورتحال رہے گی سٹاک مارکیٹ نیچے ہی جائے گا۔ بلے کے نشان کا جب تک کوئی حتمی فیصلہ نہیں ہو جاتا مارکیٹ ایسے ہی غیریقینی صورتحال کا ہی شکار رہے گی۔
سینئر کورٹ رپورٹر حسنات ملک نے اپنے ایکس (ٹوئٹر) پیغام میں لکھا: الیکشن کمیشن آف پاکستان کے فیصلے کے خلاف بہت سے وجوہات ہوں گی لیکن یہ بہتر ہوتا اگر پشاور ہائیکورٹ کا واحد جج کیس کی سماعت میں دوسری طرف کا موقف سن کر 5 رکنی کمیشن کے حکم کو معطل کر دیتا۔
شمع جونیجو نے الیکشن کمیشن کو پشاور ہائیکورٹ کا فیصلہ اڑانے کا حکم دے دیا
- Featured Thumbs
- https://www.siasat.pk/data/files/s3/9.png
Last edited:
