گزشتہ روز جمشید دستی کی ایک ویڈیو وائرل ہوئی جس میں جمشید دستی بلاول بھٹو زرداری کی تقریر کے دوران اپنی نشست سے اٹھے اور سجدہ کرنا شروع کردیا
سوشل میڈیا صارفین کو اس ویڈیو کی سمجھ نہیں آئی اور ہر ایک نے اپنے اپنے مطلب اخذ کئے، کسی نے کہا کہ یہ عمرایوب کو سجدے کررہا ہے، کسی نے کہا کہ یہ بلاول کے سامنے ناک رگڑ کر معافی مانگ رہا ہے۔
سوشل میڈیا صارفین کی جانب سے بھی جمشید دستی پر کافی تنقید ہوئی اور کہا کہ سجدہ صرف خدا کو کیا جاتا ہے یہ کس کو سجدہ کررہا ہے؟ کسی نے اس اقدام کو جمشید دستی کو جاہل کہا ۔
اس پر جمشید دستی کا بھی ردعمل سامنے آگیا جن کا کہنا تھا کہ "بلاول بھٹو کی تقریر کے دوران قومی اسمبلی میں اللّٰہ پاک کو سجدہ دیا اور کہا اللّٰہ پاک ملک کو بلاول جیسے حکمرانوں کے شر سے محفوظ فرما، ہم ہزار بار توبہ کرتے ہیں!"
واضح رہے کہ جمشید دستی ماضی میں پیپلزپارٹی میں رہ چکے ہیں اور اس وقت بھی کئی تنازعات کا شکار ہوئے، پیپلزپارٹی چھوڑنے کے بعد انہوں نے 2013 آزاد حیثیت میں الیکشن لڑا اور کامیاب ہوئے اور بعد ازاں2024 کے الیکشن میں وہ کامیاب ہوکر اسمبلی پہنچے
جمشید دستی بھی ان افراد میں تھے جن پر 9 مئی کے بعد تحریک انصاف چھوڑنے کا دباؤ تھا، مگر انہوں نے دباؤ قبول کرنے سے انکار کیا جس پر انکے گھر پر پولیس نے کئی بار دھاوا بولا
Last edited by a moderator:
