کراچی میں ایک دوکان سے بغیر پیسوں کے ٹشوپیپر لینے پر ایک پولیس اہلکار کو معطل کردیا گیا ہے۔
تفصیلات کے مطابق کراچی پولیس کے ایک اہلکار کو بغیر پیسوں کے دوکان سے ٹشو پیپر لینا مہنگا پڑگیا، واقعہ کی ویڈیو وائرل ہونے پر متعلق پولیس افسر نے پولیس اہلکار کو معطل کردیا ہے۔
تفصیلات کے مطابق کراچی کے علاقے کورنگی سعودآباد تھانے کے ایک پولیس اہلکار کی ویڈیو وائرل ہوئی جس میں قیصر نامی پولیس اہلکار کو ایک دوکان سے بغیر پیسوں کی ادائیگی کیے ٹشو پیپر لیتے ہوئے دیکھاجاسکتا ہے۔
ویڈیو میں دیکھاجاسکتا ہے کہ اہلکار کے ٹشو پیپر لینے کے بعد جیسے ہی دوکاندار پیسوں کاتقاضہ کرتا ہے پولیس اہلکار رقم کی ادائیگی کیے بغیر وہاں سے چلا جاتا ہے۔
واقعہ کی ویڈیو سوشل میڈیا پروائرل ہوئی تو ایس پی شاہ فیصل عبدالغفور لاکھو نے پولیس اہلکار کو معطل کرنے کے احکامات جاری کرتے ہوئے انکوائری کا حکم دیدیا ہے۔