چیئرمین نیب لیفٹیننٹ جنرل ریٹائرڈ نذیر احمد بٹ نےانکشاف کیا ہے کہ 12 لاکھ پاکستانی ملک چھوڑ چکے ہیں،
انکشاف کرتے ہوئے انہوں نے سوال اٹھایا کہ سب جانتے ہیں غیرملکی شہریت کے لیے لوگ ڈھائی سے پانچ لاکھ ڈالر تک ادا کر رہےہیں۔آپ نےیہ رقم کہاں سے حاصل کی، اپنے ملک میں توآپ ٹیکس ادا نہیں کرتے تھے۔
لیفٹیننٹ جنرل ریٹائرڈ نذیراحمد بٹ کا کہنا تھا کہ وہ دس کھرب ڈالر لگائیں لیکن ہم یہ جاننا چاہتے ہیں آپ نے یہ رقم کہاں سےحاصل کی،اپنےملک میں توآپ ٹیکس ادا نہیں کرتے تھے۔
رائے ثاقب کھرل نے اس پر ردعمل دیتے ہوئے لکھا کہ آپ نے اگر دیکھنا ہو کہ پاکستان کی حالت آج ایسی کیوں ہے تو یہ ایک بیان چیئرمین نیب کا آپکو سب سمجھا دے گا۔ حضرت فرماتے ہیں بارہ لاکھ لوگ پاکستان سے باہر چلے گئے۔۔ لیکن ہمیں یہ دیکھنا ئے کہ یہ پیسہ باہر کیسے لے کر گئے۔۔
انہوں نے مزید کہا کہ بارہ لاکھ لوگوں کا ملک چھوڑ دینا انکے کیے مسئلہ نہیں: ہیسے باہر جانا مسئلہ ہے۔
صبیح کاظمی نے تبصرہ کیا کہ صبیح کاظمی لکھتے ہیں کہ 12 لاکھ لوگ پاکستان سے اپنے زیورات، گھربار اور زمینیں بیچ کر گئے ہیں۔ ان کا کہنا تھا کہ کرائے، رہائش اورکھانے کے لیے جو پیسے نوجوان اپنے ساتھ لے کر گئے ہیں وہ ان کے اپنے تھے لیکن چیئرمین نیب اسے منی لانڈرنگ میں شامل کر رہےہیں۔
فراز چوہدری نے ردعمل دیا کہ جب لوگوں کو اہلیت اور میرٹ کی بجائے دوستی اور ذاتی تعلق کی بنیادوں پر اداروں میں لگایا جائے گا تو ملک کا بیڑہ غرق ہی ہوگا۔
احمد جواد کا کہنا تھا کہ جی پوری قوم انتظار کر رہی ہے دوبئی لیکس کے 12 ارب ڈالرز دوبئی کیسے پہنچے، مقصود چپڑاسی کون تھا؟ اربوں روپے کی ٹی ٹیز کے پیچھے کیا کہانی ہے؟ ریڑھی والے کے اکاؤنٹ میں اربوں کیسے آتے تھے، ایون فیلڈ اپارٹمنٹس کیلئے پیسہ کہاں سے گیا؟ پنڈورا لیکس والے کہاں سے پیسہ لاۓ؟ پانامہ لیکس والوں کا کیا ہوا؟ ایان علی کے ڈالرز کا کس سے تعلق تھا؟
ایک صارف نے لکھا کہ ان کو یہ باتیں کرتے شرم نہیں آتی کہ لوگ 5لاکھ ڈالر دے کر جا کیوں رہے ہیں ؟ کیوں ان جیسے حراموں نے عام آدمی کا جینا حرام کیا ھوا ھے۔ کاروبار کر نہیں سکتے
عبدالرزاق ثاقب نے طنز کیا کہ جس ملک میں زرداری اور شوباز کرپشن پہ پیغام جاری کریں چییرمین نیب کرپشن پہ بات کرے اور مریم چین کے دورے پہ ہو یا تو چین والے عقل سے پیدل ہیں یا ہماری ہی قسمت خراب ہے یا عنقریب ساری دنیا مریخ پہ جا رہی ہیں اور ہم ہی اس زمین پہ زلیل و خوار ہونےوالے ہیں
ایک اور صارف نے کہا کہ حیرت ہے کہ اس کو اربوں ڈالرز کی چوری پہ سوال پوچھنا نہیں آیا مگر چند لاکھ ڈالرز پہ تشویش ہوگئی؟
- Featured Thumbs
- https://www.siasat.pk/data/files/s3/nab111h.jpg
