میوزک اور ڈانس پارٹی میں شرکت کرنے پر راولپنڈی ون فائیو کے انچارج، خدمت مرکز کے سب انسپکٹر اور معطل کردیا گیا ہے۔
خبررساں ادارے کی رپورٹ کے مطابق سوشل میڈیا پر سامنے آنے والی ایک ویڈیو میں راولپنڈی ون فائیو کے انچارج ،خدمت مرکز کو ایک پرائیویٹ پارٹی میں ڈانس کرتے دیکھا جاسکتا ہے۔
سی پی او راولپنڈی احسن یونس نے ویڈیو پر نوٹس لیتے ہوئے فضل اکبر کو معطل کرکے لائن تبدیل کرنے اور انکوائری کا حکم جاری کردیا ہے۔
واقعے پر ردعمل دیتے ہوئے سب انسپکٹر فضل اکبر کا کہنا تھا کہ ویڈیو دو سال پرانی ایک شادی کی تقریب کی ہے۔
ترجمان پولیس کے مطابق سینئر پولیس افسران نے واقعے پر نوٹس لیتے ہوئے انکوائرئ کا حکم دیدیا ہے،ویڈیو میں موجود لوگوں میں سے اگر کسی کی شناخت راولپنڈی پولیس کے اہلکار سے متعلق ہوئی تو اس پر محکمے کے تشخص و وقار کو مجروح کرنے پر سخت ایکشن لیا جائے گا۔