وزیراعظم نے پیٹرول اور ڈیزل 10 روپے فی لیٹر جبکہ بجلی 5 روپے فی یونٹ سستی کرنے کا اعلان کر دیا۔
تفصیلات کے مطابق وزیراعظم عمران خان نے پیٹرول اور ڈیزل 10 روپے فی لیٹر جبکہ بجلی 5 روپے فی یونٹ سستی کرنے کا اعلان کر دیا ہے۔
وزیر اعظم عمران خان نے قوم سے خطاب کرتے ہوئے کہا کہ آئندہ بجٹ تک بجلی اور پیٹرول کی قیمتوں میں اضافہ نہیں ہوگا۔ وزیراعظم نے آئی ٹی سیکٹرکمپنیوں کیلئےٹیکسوں میں100فیصدکمی کردی ہے۔اس کے علاوہ گریجویٹس بے روزگاروں کو 30 ہزار انٹرن شپ دینے کا اعلان بھی کیا ہے۔
وزیر اعظم عمران خان نے کہا کہ طلبا کو 26 لاکھ اسکالر شپس دیں گے ، احساس پروگرام کے تحت اب پیسے 12000 سے بڑھا کر 14000 کردیے گئے ہیں ۔ اوورسیز پاکستانیوں کو سرمایہ کاری پر 5سال تک ٹیکس چھوٹ دیں گے۔ انہوں نے کہا کہ نوجوانوں اور کسانوں کو آسان اقساط پر قرضے دیئے جائیں گے، کامیاب جوان پروگرام کےتحت نوجوانوں کوکاروبار کیلئے بلاسود قرضہ فراہم کیا جائے گا۔
وزیر اعظم عمران خان کا کہنا تھا کہ آزادی صحافت پر پابندی کا شور مچایا جا رہا ہے، کہا جارہاہے کہ آزادی صحافت پر پابندی لگائی جارہی ہے۔آزادی صحافت کے نام پر بلیک میل کیاجارہاہے۔ پاکستان کے میڈیا میں 70 فیصد خبریں حکومت کے خلاف ہیں، اس سے ہمیں کوئی فرق نہیں پڑتا۔ پیکا قانون 2016 میں بنا تھا ہم صرف اس میں ترمیم کر رہے ہیں۔ انہوں نے کہا کہ سوشل میڈیاپرگند مچاہواہے، چائلڈ پورنوگرافی کی بھرمار ہے، جعلی خبریں معاشرےکیلئےبہت بڑامسئلہ ہے،ایف آئی اے کے پاس 94ہزارکیسزہیں جن میں صرف38کیسزکافیصلہ ہواہے۔
وزیر اعظم عمران خان کا کہنا تھا کہ اچھےصحافی پیکاقانون سےخوش ہوں گےکہ جعلی خبروں کاخاتمہ ہوگا،انہوں نے کہا کہ ایک صحافی نے ان کی ذات سےمتعلق گفتگوکی جس پروہ عدالت گئے،تین سال ہوگئےوزیراعظم کوانصاف نہیں ملا۔
وزیراعظم نے کہا کہ دنیامیں تیزی سےصورتحال تبدیل ہورہی ہے،حالیہ دنوں میں چین اورروس کےدورےکیے،چین اورروس میں زبردست بات چیت ہوئی،روس اس لیےجاناتھاہم نے20لاکھ ٹن گندم درآمدکرنی ہے۔
وزیراعظم نے کہا کہ میری ہمیشہ سے خواہش تھی کہ ہماری خارجہ پالیسی آزاد ہو۔ ماضی کے حکمرانوں نے امریکہ کو کبھی بھی کچھ نہیں کہا۔ امریکہ نے پاکستان میں ڈرون حملے کر کے بے گناہ پاکستانیوں کا خون بہایا اور ہماری سیاسی قیادت خاموش رہی کیونکہ ان کا سرمایہ باہر پڑا ہے۔ انہوں نے عوام سے مطالبہ کرتے ہوئے کہا کہ جس لیڈر کا باہر پیسہ پڑا ہے اسے ووٹ نہ دیں۔
وزیر اعظم عمران خان نے خطاب میں کہا کہ امریکا میں مہنگائی کا40سالہ ریکارڈ ٹوٹ گیاہے،کینیڈا میں مہنگائی کی شرح کا 30سالہ ریکارڈ ٹوٹا،برطانیہ میں 30اور ترکی میں 20سالہ مہنگائی کا ریکارڈ ٹوٹا۔
انہوں نے کہا کہ پیپلزپارٹی اورن لیگ کےادوارکاریکارڈبھی چیک کریں۔پیپلزپارٹی کے2008سے2012تک 12اعشاریہ 13فیصد مہنگائی رہی،2008سے2012میں13اعشاریہ 6فیصد مہنگائی ہوئی۔پیپلزپارٹی کے چوتھے دور میں مہنگائی13اعشاریہ 8فیصد تھی،ن لیگ کے تیسرے دور میں 5 فیصد مہنگائی ہوئی،پی ٹی آئی حکومت میں مہنگائی کی شرح 8اعشاریہ 5فیصد رہی۔
- Featured Thumbs
- https://www.siasat.pk/data/files/s3/10pmikkhatab.jpg
