کیا ایک دن کا وزیر اعظم ملک چلا سکتا ہے، وزیر اطلاعات فواد چوہدری نے واضح طور پر کہہ دیا ایسا ممکن نہیں، وفاقی وزیر اطلاعات فواد چوہدری سے ایک انٹریو میں پوچھا گیا کہ اگر وہ 24 گھنٹے کے لیے ملک کے وزیر اعظم بنے تو کیا کریں گے۔
فواد چوہدری نے ویب سائٹ ’دی کرنٹ‘ کو انٹرویو میں جواب دیا کہ یہ ملک چلانا بہت مشکل ہے، 24 گھنٹوں میں کچھ نہیں ہوسکتا،پاکستان کے مسئلوں کی بڑی گہری جڑیں ہیں، یہاں جو اب تک ہم نے کوششیں کی ہیں اس کا مسلسل ہونا ضروری ہے۔
وفاقی وزیر نے کہا کہ پاکستان میں پاور سینٹر بہت زیادہ ہیں، پانچ چھ پاور سینٹر ہیں اور کسی کو نہیں پتا کہ اس نے کرنا کیا ہے، اس لئے اس ملک کو چلانا بڑا مشکل کام ہے،انہوں نے کہا کہ عمران خان خوفزدہ نہیں وہ تو سکون سے ہیں۔
انٹرویو میں فواد چوہدری نے ن لیگ کے صدر شہباز شریف کو مشورہ دیا کہ وہ اپنا ایک گروپ بنا لیں اور اس کا نام ’چھوٹا ڈان گروپ‘ رکھ لیں، شہباز شریف زیادہ سے زیادہ چھوٹے ڈان بن سکتے ہیں وزیراعظم نہیں بن سکتے،مریم نواز کو فواد چوہدری نے مشورہ دیا کہ گھر پر آرام سکون کریں کیونکہ ابھی آپ کا وقت نہیں آیا۔
فواد چوہدری نے بتایا کہ پرویز الہیٰ سے معاملات صحیح ہیں، بلاول بھٹو غصہ تھا اسلئے انہوں نے میرے لئے ایسا بیان دیا، ورنہ وہ اچھے انسان ہیں،وفاقی وزیر نے آخری پاکستانی فلم دیکھنے سے متعلق سوال کے جواب میں بتایا کہ آخری فلم انہوں نے ’کھیل کھیل میں‘ دیکھی تھی۔ انہوں نے فلم کی تعریف کرتے ہوئے کہا کہ یہ بہت شاندار فلم ہے باقی سب کو بھی لازماً دیکھنی چاہیے۔
- Featured Thumbs
- https://www.siasat.pk/data/files/s3/5fawadpmship.jpg
