میڈیا رپورٹس کے مطابق ایف آئی اے (وفاقی تحقیقاتی ایجنسی) نے کرپٹو اور ڈیجیٹل کرنسی میں لین دین کرنے والوں کے خلاف گرینڈ آپریشن کا فیصلہ کیا ہے اور اس ضمن میں 1600 ویب سائٹس کو بند کرنے کے لیے پی ٹی اے (پاکستان ٹیلی کمیونیکیشن اتھارٹی کو خط بھی لکھ دیا ہے۔
ایف آئی اے کی جانب سے پی ٹی اے کو لکھے گئے مراسلے میں تحقیقاتی ادارے نے مؤقف اپنایا ہے کہ کرپٹوکرنسی منی لانڈرنگ کا بھی آلہ کار ہے۔
کرپٹو اور ڈيجيٹل کرنسی کا کام کرنے والی ویب سائٹس کے خلاف پی ٹی اے کو لکھے گئے خط میں اُن 1600 سائٹس کی نشاندہی کی گئی ہے جن کے ذریعے کرپٹو اور ڈیجیٹل کرنسی کا کاروبار کیا جا رہا ہے۔
فیڈرل انویسٹی گیشن ایجنسی نے اپنے خط میں لکھا کہ کرپٹو اور ڈيجيٹل کرنسی فراڈ ميں اب تک شہریوں سے کروڑوں ڈالرز کا غبن ہوچکا ہے، اسٹيٹ بينک نے 2018 سے کرپٹو کرنسی کو پاکستان ميں غير قانونی قرار دے رکھا ہے۔
دوسری جانب ايف آئی اے سائبرکرائم نے کرپٹوکرنسی اور ڈيجيٹل کرنسی کا کام کرنے والوں کے خلاف پی ٹی اے کے ساتھ مل کر کارروائی شروع کردی ہے۔
ایف آئی اے کی جانب سے کرپٹو کرنسی کا کاروبار کرنے والوں کے خلاف گرینڈ آپریشن جلد شروع ہونے کا امکان ہے جس میں ملک بھر سے گرفتاریاں متوقع ہیں۔
الیکٹرانک میڈیا کا دعویٰ ہے کہ ایف آئی اے نے پاکستان ميں کرپٹو اور ڈيجيٹل کرنسی کا کام کرنے والوں کی فہرستيں مرتب کرنا شروع کردی ہیں۔
- Featured Thumbs
- https://www.siasat.pk/data/files/s3/fia--1-1311.jpg
