پڑوسی ملک بھارت میں انسانوں کے ساتھ ناروا سلوک کے واقعات سامنے آتے رہتے ہیں پھر چاہے مسلمانوں کے ساتھ ہو یا اقلیتوں کے ساتھ اور اب تو مودی سرکار کے اس ملک میں کام کرنے والوں کو بھی نہیں بخشا جارہا, ایئر انڈیا کے عملے کے ساتھ برے سلوک کا واقعہ سامنے آگیا.
ایئر لائنز اپنے کیبن کریو کے لیے طویل پروازوں کے بعد ہوٹل بک کرواتی ہیں تاکہ ان کے آرام کا خیال رکھا جا سکے لیکن حال ہی میں ایئر انڈیا کو اپنے عملے کے ارکان کے لیے مناسب رہائش فراہم نہ کرنے پر تنقید کا سامناہے,بھارتی ایئر لائن کے کیبن کریو کے ساتھ پیش آنے والے واقعے نے عالمی میڈیا کو بھی متوجہ کرلیا,
عملے کی تصاویر پوسٹ کرتے ہوئے منیشا سیگل نے ایئر انڈیا کو تنقید کا نشانہ بنایا اور کہا کہ اگر آپ ایئر انڈیا کو عالمی معیار کی ایئر لائن بنانا چاہتے ہیں تو ایک لمبی فلائٹ سے واپس آنے والے ائیر لائن کے عملے کے ساتھ ایسا سلوک نہیں کرناچاہیے۔
صارف نے تنقید کرتے ہوئے کہا کہ 4 گھنٹے تک عملہ ہوٹل تلاش کرتا رہا اور آخر کار آپ نے ان کو ایسا کمرہ دیا جس میں نہ کوئی بیڈ شیٹ ہے نہ تولیے اوت سہولیات کا فقدان ہے اور یہ ناقابل قبول ہے۔
انہوں نے کہا کہ نیند سے محروم جہاز کا عملہ آپ کے اس توہین آمیز سلوک کو ہمیشہ یاد رکھے گا۔ صارفین کی جانب سے اس پر شدید تنقید کی جا رہی ہے، ان کا کہنا ہے کہ یقین نہیں آتا کہ ائیر لائن کے عملے کو دی جانے والی سہولیات اتنی بری ہو سکتی ہیں۔
ایک صارف نے لکھا کہ سستی ترین ایئر لائنز بھی اپنے عملے کے ساتھ اتنا برا سلوک نہیں کرتیں جتنا ایئر انڈیا نے اپنے عملے کے ساتھ کیا۔
سنجے نامی صارف نے لکھا کہ مجھے یقین نہیں آ رہا کہ ایئر انڈیا نے اپنا معیار اتنا گرا لیا ہے۔
جہاں کئی صارفین اس پر تنقید کرتے نظر آئے وہیں ایک صارف نے اس پر ردعمل دیتے ہوئے کہا کہ یہ ایک بین الاقوامی پریکٹس ہے کہ کیبن کریو کو آرام کرنے کے لیے فائیو اسٹار ہوٹل نہیں دیے جاتے بلکہ رہائش کے لیے الاؤنس دیا جاتا ہے۔
- Featured Thumbs
- https://www.siasat.pk/data/files/s3/9airinidjworkers.png
