یا اللّٰہ ایسے نمونے کسی پر مسلط نا ہونے دیں جو گٹر سے نکل کر دھاندلی کے ذریعے اسمبلیوں میں پہنچ جاتے ہیں: ایمان زینب مزاری
پاکستان مسلم لیگ ن کے نومنتخب رکن قومی اسمبلی عطاء اللہ کی قومی اسمبلی میں کی گئی تقریر پر سابق وفاقی وزیر شیریں مزاری کی صاحبزادی ایمان زینب مزاری اور ثانیہ عاشق کے درمیان ایکس (ٹوئٹر) پر نوک جھونک! ن لیگ کے رہنما عطاء اللہ تارڑ نے قومی اسمبلی میں تقریر کی ویڈیو اپنے ایکس (ٹوئٹر) اکائونٹ سے شیئر کرتے ہوئے پیغام میں لکھا: 2018 میں چور دروازے سے اقتدار میں آنے والے اور 9 مئی کو ریاستی دفاعی اداروں پر حملے کرنے والے آج کس منہ سے جمہوریت کی بات کرتے ہیں؟
عطاء اللہ تارڑ نے محمود خان اچکزئی کی تقریر کو قابل مذمت قرار دیتے ہوئے کہا محمود اچکزئی نے جو بات کی وہ نہایت شرمناک اور قابل مذمت ہ، وہ چاہتے ہیں کہ اپنی تمام سیاسی کمزوریوں کا ملبہ اداروں پر ڈال دیا جائے۔ ایک شخص یہاں بیٹھ کر کہتا تھا سب کو جیلوں میں بند کروں گا، اسی شخص نے 9 مئی کے حملے کیے وہ کسی رعایت کے مستحق نہیں۔
عطاء اللہ تارڑ نے کہا کہ آج دھاندلی کا رونا رونے والے 2018ء میں بدترین دھاندلی کے نتیجے میں یہاں آئے تھے، پی ٹی آئی کی منافقت اور دہرے معیار کی انتہا یہ ہے کہ خیبرپختونخوا میں تو جشن مناتی ہے لیکن دوسرے صوبوں میں دھاندلی کے الزامات لگاتی ہے۔
عطاء اللہ تارڑ کے ٹوئٹر پیغام پر ردعمل دیتے ہوئے ایمان زینب مزاری نے لکھا: یا اللّٰہ ایسے نمونے کسی پر مسلط نا ہونے دیں جو گٹر سے نکل کر دھاندلی کے ذریعے اسمبلیوں میں پہنچ جاتے ہیں۔
ایمان زینب مزاری کے ٹوئٹر پیغام پر مسلم لیگ ن کی خاتون رہنما ثانیہ عاشق نے ان کو جوابی ٹویٹ کرتے ہوئے لکھا: یہی ہماری دعا ہے! اللہ نے ہماری دعا سن لی اور شیریں مزاری کو ہم پر مسلط نہیں ہونے دیا۔
ثانیہ عاشق کے پیغام پر ایمان زینب مزاری نے ردعمل دیتے ہوئے لکھا: اگر آپ کی دعا قبول ہوتی ہے تو پہلے انتخابات دھاندلی بغیر جیتنے کی ہی دعا کر لیتے تاکہ پھر ان کے سامنے رات تین بجے ہاتھ جوڑ کر اقتدار نا لینا پڑتا۔۔۔
واضح رہے کہ سربراہ پشتونخوا ملی عوامی پارٹی محمود خان اچکزئی نے ایوان میں اظہار خیال کرتے ہوئے کہا تھا کہ ہماری سٹبلشمنٹ آئین سے کھلواڑ کرتی ہے ، کچھ لوگ 22 کروڑ عوام کی پارلیمنٹ کو بکرا منڈی میں تبدیل کرنا چاہتے ہیں۔ نوازشریف کہتے تھے ووٹ کو عزت دو، عمران خان عوام کی طاقت سے آگیا ہے، سب طے کریں کہ سٹیبلشمنٹ کا سیاست میں کردار ختم کرنا ہے۔
- Featured Thumbs
- https://www.siasat.pk/data/files/s3/11imanvssaniaaaashid.png
