اسلام آباد ہائی کورٹ نے وینا ملک کے خلاف سابق شوہر اسد خٹک کی درخواست نمٹا دی، دفتر خارجہ کو درخواست سن کر فیصلہ کرنے کی ہدایت دیدی۔
تفصیلات کے مطابق اسلام آباد ہائی کورٹ کے چیف جسٹس اطہر من اللّٰہ نے اداکارہ وینا ملک کے سابق شوہر اسد خٹک کی دو بچوں کی پاکستان منتقلی کےخلاف درخواست پر سماعت کی۔
اداکارہ وینا ملک کے سابق شوہر اسد خٹک نے درخواست میں موقف اختیار کیا کہ دبئی عدالت کے حکم کے باوجود وینا ملک نے وزارت خارجہ کے حکام کی ملی بھگت سے بچوں کو پاکستان منتقل کیا، میرے بچے امریکی شہریت بھی رکھتے ہیں۔
عدالتی نوٹس پر ڈی جی وزارت خارجہ نے تحریری جواب جمع کراتے ہوئے کہا کہ اسد خٹک کی درخواست حقائق کے منافی ہے۔
چیف جسٹس اطہر من اللہ نے درخواست نمٹاتے ہوئے احکامات جاری کیے کہ متعلقہ وزارت فریقین کو سن کر درخواست کا فیصلہ کرے۔
- Featured Thumbs
- https://i.ibb.co/1ZgFP0M/veena.jpg
