اسلام آباد ایئرپورٹ پر ایک مسافر کو اہلکار کی جانب سے تھپڑ مارنے کے واقعے نے شدید عوامی ردعمل کو جنم دیا ہے۔ یہ افسوسناک واقعہ منگل کے روز اُس وقت پیش آیا جب سعودی عرب جانے والا ایک مسافر اپنی فیملی کے ہمراہ ایئرپورٹ پر موجود تھا۔ اہلکار نے مسافر کو سب کے سامنے تھپڑ مارا، جس کی ویڈیو سوشل میڈیا پر تیزی سے وائرل ہو گئی۔
ویڈیو منظر عام پر آنے کے بعد عوام کی طرف سے سخت ردعمل سامنے آیا، جب کہ متاثرہ فیملی نے انصاف کا مطالبہ کرتے ہوئے احتجاج بھی کیا۔
ذرائع کا کہنا ہے کہ واقعے کے بعد متاثرہ فیملی کو ایئرپورٹ سیکیورٹی فورس (ASF) کے دفتر لے جا کر مبینہ طور پر دھمکیاں دی گئیں۔ فیملی پاکستان میں چھٹیاں گزارنے کے بعد وطن واپسی کے لیے ایئرپورٹ پہنچی تھی۔
واقعے کی سنگینی کو مدنظر رکھتے ہوئے مذکورہ اے ایس ایف اہلکار کو فوری طور پر ملازمت سے برطرف کر دیا گیا ہے۔
Last edited by a moderator:
