راولپنڈی ایکسپریس شعیب اختر کا سرکاری ٹی وی کے فیصلے پر ردعمل ۔۔۔ شہبازگل، فیصل جاوید سمیت دیگر سوشل میڈیا نے بھی سرکاری ٹی وی کے فیصلے کو آڑے ہاتھوں لے لیا
گزشتہ روز پی ٹی وی انکوائری کمیٹی نے رپورٹ جاری کی جس کے مطابق انکوائری مکمل ہونے تک سابق کرکٹر شعیب اختر اور ڈاکٹرنعمان نیاز کو آف ائیر کرنے کا فیصلہ کیا جاتا ہے۔
رپورٹ کے مطابق جب تک انکوائری مکمل نہیں ہوجاتی ، واقعہ سے متعلق تمام حقائق واضح نہیں ہوجاتے، اس دوران دونوں افراد پی ٹی وی کے کسی پروگرام کاحصہ نہیں ہوں گے۔
پی ٹی وی کے اس ٹویٹ پر شعیب اختر نے سخت ردعمل دیا اور اپنے ٹوئٹر پیغام میں لکھا کہ پی ٹی وی کی جانب سے مجھے آف ائیر کرنے کا فیصلہ مضحکہ خیز ہے، میں نے 22 کروڑ پاکستانیوں کے سامنے خود مسعتفیٰ ہونے کا اعلان کیا تھا۔
راولپنڈی ایکسپریس نے کہا کہ سرکاری ٹی وی والے مجھے آف ائیر کرنے والے ہوتے کون ہیں؟
سیاسی رہنماؤں، صحافیوں اور سوشل میڈیا صارفین نے بھی اس فیصلے کو شرمناک قرار دیتے ہوئے پی ٹی وی کو ہوش کے ناخن لینے کا مشورہ دیا اور کہا کہ جو پہلے ہی استعفیٰ دے چکا ہے اسے اب آف ائیر کرنے کاکیا فائدہ؟
فیصل جاوید نے اس فیصلے کو عجیب قرار دیتے ہوئے لکھا کہ شعیب اختر تو پہلے سے ہی استعفیٰ دیکر آف ائیر ہوچکا ہے۔
ارشاد بھٹی کا کہنا تھا کہ خدا کا خوف،کچھ شرم،کچھ حیاء،عقل کے اندھو ہوش کے ناخن لو،شعیب اختر تو خود استعفٰی دے کر جا چکا پھر اُسے کہاں سے،کیسے آف ائیر کر رہے ہو اور پھر بدتمیزی کی ڈاکٹر نعمان نیاز نے،آف ائیر ڈاکٹر نعمان نیاز کو ہونا چاہئیے تھا،شعیب اختر کا کیا قصور۔۔؟ کیا مذاق ہے۔۔
شہباز گل کا کہنا تھا کہ کیا ہو گیا آپکو۔ شعیب تو پہلے ہی استعفی دے چکا۔ اور کتنی بار اسے آف ائیر کرنا ہے آپ نے۔ کوئی عقل کے ناخن لے لیں۔
دیگر سوشل میڈیا صارفین نے پی ٹی وی کے اس اقدام کی مذمت کی
- Featured Thumbs
- https://www.siasat.pk/data/files/s3/shoaib-ptv211.jpg
