مشہور اداکارہ نبیل ظفر نے نواز شریف کے کردار پر مبنی کسی بھی فلم میں اداکاری سے انکار کردیا ہے۔
تفصیلات کے مطابق نبیل ظفر جیو نیوز کے پروگرام"جشن کرکٹ" میں بطور مہمان خصوصی شریک ہوئے اور مختلف قسم کے سوالات کے جواب دیئے، ان کے ہمراہ پروگرام میں اداکارہ امر خان بھی شریک تھیں جنہوں نے نبیل ظفر کو 500 کی دوڑ میں شکست دیدی۔
ملکی سیاسی صورتحال پر گفتگو کرتے ہوئے نبیل ظفر نے کہا کہ میں نے گزشتہ انتخابات میں تحریک انصاف کو ووٹ دیا تھا اور میں ابھی بھی عمران خان کی کارکردگی سے مایوس نہیں ہوں، میں ابھی بھی ان سے پر امید ہوں۔
نوازشریف کی زندگی پر مبنی فلم میں اداکاری کی پیشکش سے متعلق سوال کے جواب میں نبیل ظفر کا کہنا تھا کہ میں ایسی کسی بھی فلم میں کام نہیں کروں گا۔ فہد مصطفیٰ اور عامر لیاقت کے درمیان اچھے ہوسٹ سے متعلق سوال پر نبیل نے فہد مصطفیٰ کو چنا۔
انہوں نے کہا کہ آج کل لوگوں کے پاس کام زیادہ اور وقت کم ہے، 90 کی دہائی میں بننے والے ڈرامے آج کے ڈراموں سے بہت بہتر تھے۔
- Featured Thumbs
- https://www.siasat.pk/data/files/s3/4nabeelnawazshariffilm.jpg
