آسٹریلیا کرکٹ ٹیم ویسے تو مثبت ریکارڈ بنانے میں ماہر ہے لیکن اس بار تو کچھ الگ ہی ریکارڈ بنا ڈالا،آسٹریلین کرکٹ ٹیم نے 1 رن پر 8 وکٹیں گنوا کر تاریخ کا بدترین ریکارڈ بنایا۔ 6 بیٹرز صفر پر آوٹ ہوئے۔
آسٹریلیا ون ڈے کپ میں ویسٹرین آسٹریلیا کی ٹیم تسمانیہ کے خلاف صرف 53 رنز پر ڈھیر ہوگئی۔
اس سے قبل ویسٹرن آسٹریلیا کے 52 رنز پر دو کھلاڑی آؤٹ تھے تاہم کچھ ہی منٹوں بعد 53 رنز پر 10 کھلاڑی پویلین لوٹ چکے تھے، اس طرح وکٹیں گرنے پر اسٹیڈیم میں بیٹھے شائقین کو بھی اپنی آنکھوں پر یقین نہیں آرہا تھا۔
ویسٹرن آسٹریلیا کی ٹیم میں انٹرنیشنل آسٹریلوی پلیئر کیمرون بین کرافٹ اور جوش انگلس بھی موجود تھے، پرتھ سے تعلق رکھنے والی ٹیم کے آخری سات بیٹرز اپنی ٹیم کے لیے ایک رنز کا اضافہ کرنے سے بھی قاصر رہے۔
صرف 28 بال کی قلیل گیند بازی میں تسمانیہ کے بولرز نے تاریخ کی بدترین تباہی مچائی، کیمرون بین کرافٹ کا پچ چھوڑنا تھا کہ پھر وکٹوں کی صحیح معنوں میں جھڑی لگ گئی۔
اس سارے فسانے کے مرکزی کردار تسمانیہ کے بولر بیو ویبسٹر تھے جنھوں نے تباہ کن بولن کرتے ہوئے 6 وکٹیں اپنے نام کیں، بلی اسٹین لیک نے 3 بیٹرز کو پویلین بھیجا جب کہ ایک وکٹ ٹام روجرز ایک وکٹ حاصل کی۔
تسمانیہ کی ٹیم نے 50 اوورز میں ملنے والا 54 رنز کا ہدف 8.3 اوورز میں 3 وکٹوں کے نقصان پر جیت گئے۔
- Featured Thumbs
- https://www.siasat.pk/data/files/s3/austal11h23.jpg
