آئی ایم ایف نے پاکستان سے زرمبادلہ ذخائر2 ماہ کی درآمدت کے مساوی کرنے کا مطالبہ کردیا ہے
آئی ایم ایف کے پاکستان سے مطالبات مسلسل بڑھ رہے ہیں، اب آئی ایم ایف نے پاکستان سے مطالبہ کردیا ہے کہ زرمبادلہ کے ذخائر دو ماہ کی درآمدات کے مساوی ہونے چاہئیں، جو 11 سے 12 ارب ڈالر بنتے ہیں۔
وزارت خزانہ کے مطابق پاکستان 9 ویں اقتصادی جائزہ رپورٹ کی بیشتر شرائط پوری کرچکا ہے، حکومت نے سٹاف لیول معاہدے کیلئے 170 ارب کے ٹیکس بھی عائد کئے ہیں۔
وزارت خزانہ کا کہنا تھا کہ ہم نےآئی ایم ایف کی شرائط کے عین مطابق بجلی اور گیس کی قیمتوں میں اضافہ، مارکیٹ بیسڈ ایکسچینج ریٹ کی پالیسی اختیار کی۔
دوسری جانب نجی چینل جیو کے مطابق پاکستان اور عالمی مالیاتی فنڈ (آئی ایم ایف) کے درمیان قرض پروگرام تاحال تاخیرکا شکار ہے جس کے باعث بجٹ سازی کا عمل متاثر ہونےکا خدشہ ہے۔
ذرائع کے مطابق آئی ایم ایف بورڈ کے اجلاسوں کا شیڈول جاری کردیا گیا ہے تاہم آئی ایم ایف کے17 مئی تک اجلاس میں پاکستان کا معاملہ ایجنڈے میں شامل نہیں ہے۔
- Featured Thumbs
- https://www.siasat.pk/data/files/s3/imfhahssiaha.jpg
