معروف پاکستانی گلوکارہ آئمہ بیگ اور شہبازشگری کے درمیان رشتہ ختم ہوا تو دونوں پاکستانی میڈیا کی سرخیوں میں آ گئے۔ آئمہ بیگ نے شہبازشگری کے ساتھ لی گئی تمام تصاویر بھی سوشل میڈیا سے ہٹا دیں اور خاموشی اختیار کر لی۔
آئمہ بیگ کی خاموشی نے کئی سوالوں کو جنم دیا اور لوگ اس پر باتیں کرنے لگے۔ اس رشتے کے ختم ہونے میں کونسے عوامل کارفرما رہے ہیں اس بارے میں پہلے تو کچھ واضح نہیں تھا مگر اب ایک برطانوی ماڈل طلولامائر نے آئمہ بیگ پر سنگین نوعیت کے الزامات عائد کیے ہیں جس سے معاملہ واضح ہو رہا ہے۔
طلولامائر نے بتایا ہے کہ وہ ایک پاکستانی نژاد فلمساز قیس احمد کو ڈیٹ کر رہی تھیں تو اس نے طلولامائر سے 10 ہزار برطانوی پاؤنڈز کا فراڈ کیا، اس نے برطانوی ماڈل کو یہ دھوکا کسی اور کے لیے نہیں بلکہ آئمہ بیگ کیلئے دیا تھا۔ کیونکہ وہ دبئی میں اس کے پاس جانا چاہتا تھا۔
طلولا مائر نے دعویٰ کیا اور اپنے دعوے کی حمایت میں دونوں کی گفتگو کے سکرین شاٹس بھی شیئر کیے۔ اپنی ویڈیوز میں طلولامائر نے آئمہ بیگ کو پاکستان کی مشہور ترین خواتین میں سے ایک کہہ کر بات کرتی ہیں۔ انہوں نے بتایا کہ دبئی کا فلیٹ آئمہ نے اپنے رہنے کیلئے خریدا تھا جہاں قیس جا رہا تھا۔
طلولامائر نے ان دونوں میں ہونے والی گفتگو کے اسکرین شاٹس بھی لیے جو کے تب کے ہیں جب آئمہ بیگ اور شہباز شگری میں منگنی قائم تھی۔ اس سارے معاملے سے اب ظاہر ہوا ہے کہ دونوں کے مابین علیحدگی کی وجہ یہی دھوکا رہی ہوگی۔
- Featured Thumbs
- https://www.siasat.pk/data/files/s3/11aimbaigscandell.jpg
