azaazam atensary sb, quraan ko sunnat se nahin samjha jaa sakta kyunkeh sunnat khud is baat ki mohtaaj hai keh us ko quraan ki bunyaad per saabit kiya jaaye.
issi liye jab tak ham quraan ko theek tarah se nahin samajh paate sunnat ko ham quraan ke zariye sahaara de hi nahin sakte. lihaaza jis baat ko ham quraan se sahaara nahin de sakte us ko ham sunnat kaise maan sakte hen?
issi liye pehle ham ko quraan ko theek tarah se samajhna ho ga aur issi liye ham ko aik aise criterion ya standard or benchmakr or yardstick or touchstone ya specification or requirement ki zaroorat hai jis ke teht ham quraan ko theek tarah se samajh saken.
issi liye ham ko quraan ke ilfaaz ke maani taayun kerne hun ge. kyunkeh quraan insaani zabaan main hai magar is main soch khudaa ki hai issi liye is ko theek tarah se samajhna ham insaanu ke liye aik mohimma ban huwa hai.
is masla ka hal main ne ye nikaala hai keh insaani zabaan per khoob ghoro fiker kiya jaaye keh ye hai kia, is ke ilfaaz kia shai hen aur woh kahaan se aaye hen aur un ke maani kahaan se aaye hen ya kaise aaye hen aur kyun aaye hen. insaani zabaan ke wajood main aane ke jo jo processes aur mechanisms hen ham ko woh jaanane bahot hi zaroori hen ta keh ham quraan ke ilfaaz ko drust maani de saken aur us ke maqsad aur context ki madad se ham quraan ko theek tarah se samajh saken.
jab se deene islam duniya ki nazar se ojhal huwa hai in baatun per kisi ne koi tawajo hi nahin di jo quraan ko theek tarah se samajhne ke liye laazmi hen. issi liye her aik ke liye zaroori hai keh woh meri research ko achhi tarah se samjhe aur phir quran aur deene islam per ghoro fiker kare in guidelines ke mutaabiq.
rahee baat sunnat se quran ko theek tarah se samajhne ki to ummat ke aaj beshumaar firqe hen jo ham sab ke saamne hen jo ham ko her tarah se uljahn main daalte hen bajaaye quraan ko theek tarah se samajhne main hamaari madad kerne ke.
ab waqt ka taqaaza hai ham apne bebunyaad aqeede aur befaaida amaal ko choren aur quraan ki tehqeeq main lag jaayen ta keh ham quraan ko saheeh tarah se interpret ker saken. is liye main ne kuchh posten lagayee hen un se aap bhi faaida uthaayen aur deegar log bhi.
isse kam se kam aik to ye faaida ho ga keh log ghalat baatun ko jin ke ghalat hone main koi shak hi nahin kiya ja sakta un se un ki jaan chhote gi aur doosra woh apna baaqi waqt quraan ki asal baat ko samajhne main guzaar sakte hen bajaaye ghalat baatun main lage rehne ke aur apna aur doosrun ka waqt zaaya kerne ke.
misaal ke tor per quraan main mojood lafze salaat ka matlab namaaz ho hi nahin sakta chahe koi ulta latak jaaye. is ke liye aap ko meri oopar waali post padhni aur samajhni pade gi keh aisa kyun nahin ho sakta. rahee baat is ke asal matlab ki to us ke liye ham ko woh baaten samajhni hun gi jin ka main ne ziker kiya hai aap se. phir aap bhi jaante hen keh arbi zabaan main lafz to aik taraf haroof ke bhi kayee kayee mataalib hote hen. is liye zaroori nahin hai keh quraan main aik hi lafz her jaga aik hi maani main istemaal huwa ho. lihaaza jo koi bhi quraan per kaam kerna chahta hai us ko ye kaam karne paden ge jo main ne bataa diye hen aur mazeed bhi. For better understanding of deen of islam from the quran see
HERE,
HERE and
HERE.
issi liye agar ham quraan ko mazhab ki kitaab kehen ge ya ye kahen ge keh deene islam aik mazhab hai to ham khudaa, us ki kitaab aur rasool per badtareen jhoot baandhen ge. jis ki ham ko sakht tareen sazaa mil rahee hai aur abhi mazeed mile aik doosre ke haathun
regards and all the best.