Don't give up by Dr Israr Ahmed | kabi mayoss mat huna | Motivational video

[Amal]

 

[Mughal1]

dr sb marhoom ne mullaan hi ki tarah aazmaaish ko hi bunyaad banaa ker us per apni imaarat khadi ki hai jo bilkul hi ghalat baat hai. balaa ke maada main ye maani bhi daakhil hen, to put someone through a struggle for some end or goal or purpose. main ne is ko doosre thread main already explain kiya huwa hai. ye baat bunyaadi tor per hi ghalat hai keh khudaa insaanu ko aazmaata hai aur is bunyaad per un ko jazaa yaa sazaa deta hai keh us ne insaanu ko peda hi issi maqsad ke liye kiya hai.

khudaa ne insaanu ko aazmaane ke liye peda nahin kiya hai balkeh un se apni sachi taareefen kerwaane ke liye un ko peda kiya hai. lipservice ke liye nahin. sachi taareef woh hoti hai to koi bilaa kisi ke dabao ke kare kisi se us ki achhi baat se dil se impress ho ker. yahee nahin khudaa to apni tareefen apne achhe kaamun ki wajah se karwaana chahta hai jo us ne insaanu ke liye kiye hen. issi liye to quraan ko theek tarah se samajhna zaroori hai.

log to ye bhi nahin jaante keh khudaa ka paighaam insaanu ke liye taooz aur tasmiya se kyun shuroo hota hai. agar kisi ne itni aqal seekh hi li hai to bataaye.

khudaa ne insaanu ko apna paighaam is liye diya hai taa keh woh us per mabni aik insaani maashra qaaim karen. ye insaani society ki imaarat ka saheeh naqsha hai insaanu ke liye khudaa ki banayee hui duniya main. jis ko insaanu ne apni bharpoor mehnat se tameer kerna hai. yahee lafze balaa ka matlab hai yaani is kaam ke liye koshish kerna. ab koshish karen ge to takleef to ho gi. issi liye mehnat ka dohraa sila bhi mile ga. aik yahaan aur doosra wahaan yaani marne ke baad doosri zindagi main. deene islam main aisa koi amal yaani kaam nahin hai jis ke do nateeje na niklen, aik yahaan ke liye aur doosra wahaan ke liye.

gunaa aur bakhshish ya sifaarash deene islam ka tasawwur hi nahin hai. intervention ya involvement ka tasawwuer hai. yani doosrun ke liye khud behtari kerna ya doosrun se behtari karwaana ya un ko burayee se rokna taa keh logoon ko apne bure kaamun ke bure nateejun se bachaaya jaa sake. agar kisi ne jaan boojh ker burayee ker di to us ka nateeja koi bhi rok hi nahin sakta yahee qanoon khudaa ki taraf se is duniya main kaarfarmaa ya jaari hai.

is liye is bunyaad per ghalat kaam kerna keh khudaa khud ya kisi ki sifaarash se bakhsh de ga insaanu ka ehmqaana pan hai jo in ko in ke jahil mullaan ne diya hai. agar khudaa ki taraf se insaanu ko bakhshish mil jaati to phir is duniya main bhi buraayun yaani nuqsaandeh kaamun ka nateeja bura yaani nuqsaandeh na hota. aur to aur agar koi ghalati se bhi ghalat yaani nuqsaandeh kaam ker de to us ki bhi sazaa mil jaati hai. kyunkeh is soorat main niyat ko nahin amal yaani kaam ko dekha jaata hai. ye baat yun samjhen keh aap aik bahot oonchi jaga khade the magar achaanak aap ka paaon pisal gayaa aur aap ko chot pohnch gayee. ya koi haddi pasli toot gayee. aap ka haath ghalati se aag main chala gayaa aur jal gayaa.

agar khudaa ne ganah bakhshne hote to woh bataa deta aur is duniya main un ki sazaa na milti. lafze istaghfaar ke maani quraan ke context main bachaao aur hifaazat ke hen. ghafar safety helmet ko kehte hen jisse urdu main khud kehte hen jo jang ke doraan sar per pehnaa jaata hai us ki hifaazat ke liye. khudaa ko ghafoor kehne ka matlab hai woh insaanu ko khud apni hifazaat ka samaan dene waala hai. ab insaanu ka kaam hai us hifaazti samaan ko apni hifaazat ke liye seekh ker istemaal karen. quraan issi liye diya hai keh log apne liye achhaa maashra qaaim karen jisse khud un ki apni hifaazat ho aik doosre ki madad se ya taavun se.

quraan ke tarjumoon aur tafseerun main yahee to badi badi ghalatiyan hen jin ki wajah se khud ko musalmaan kehlwaane waalun ki rail patdi se utaar di gayee hai aur abhi tak utari hui hai aur utri hi rahe gi jab tak is ko koi waapis patdi per nahin laaye ga. issi liye khud ko musalmaanu kehlwaane waalun ko apne afkaaro nazriyaat ko poori tarah badalne ki zaroorat hai. laikin logoon ko to abhi tak is baat ka ehsaas tak bhi nahin hai in logoon ki apni jahaalat ki wajah se keh ye log quraano islam se bahot hi ziyaada door jaa chuke hen quraano islam hi ke naam per.