ALLAH Ki Kasam Wo Momin Nahi Ho Sakta - 2 Advices Of Huzoor ﷺ For Ummah -

[Amal]

 

[Dr Adam]

جزاک الله . امل ​

 

[Citizen X]

These really are the things which Allah s.w.t teaches us, how to be better human beings and how to treat others. Unfortunately Pakistan ke 99% dhongi moulviyon ne fazool cheezon pe zor diya huwa hai apni dhukan chala ne ke liye.

Humara zara zor hai ke, bhai dhardi kitni lambi hai, shalwar kitni choti hai, topi hai ya nahi hai etc etc. Bus din mein 5 dafa zameen per sar pathak diya ( if that ) thoota phoota roza rakh liya, kuch chanda dey diya to bus aab certified jannati ho gaye, baki loot maar, corruption, rishwat, zakheera andozi, tajawuzat, haq maarna, kabza, milawat, dhooka, jhoot, faraib sub halal hai.

 

[Mughal1]

asal baat jo log samajhne ki koshish hi nahin ker rahe woh yahee hai keh islam deen hai mazhab nahin hai. yahee wajah hai logoon ne apne apne demaaghun main do do khaane banaaye huwe hen jin main unhune deeno duniya ko alag alag kiya huwa hai. yahee taqseem hi insaanu main her fasaad ki jad hai.

log ye baat samajhne ki koshish hi nahin kerte keh deeno duniya ka taaluq aapas main sirf ye hai keh khudaa ne issi duniya main jeene ke liye insaanu ko aik drust tareeqa diya hai aur issi raaste ko deene islam kehte hen. is tareeqe ke diye jaane ke baad is ke khilaaf is duniya main jeena kufar hai aur ussi kufar ka nateeja zulmo ziyaadati aur danghe fasaad ka jaari rehna hai. ye danghe fasaad aaj se nahin balkeh paighambere khudaa aadam se bhi pehle se chale aa rahe hen issi liye khudaa ne paighamber aur kitaaben bhaijin taa keh insaanu ko aqal sikhaa ker aisi baatun se door le jaaya jaaye. logoon ka aapas main khoon kharaaba shuroo hi se tha kyunkeh un ko sirf aur sirf apne apne zaati mufadaat se gharaz thi apni apni jahaalat ki wajah se. aaj bhi wohee jahaalat mojood hai bilkul ussi tarah logoon main siwaaye un logoon ke jinhune khudaa ki kitaab ko theek tarah se samajhne ki koshish ki aur us per drust tareeqe se amal kiya.

jin logon ko kitaab ko theek tarah se samajhne ki fiker ya ehsaas hi nahin tha woh aaj bhi insaani shakal ke waise hi jaanwar hen jaise pehle the. kitaab ko sirf mohn se keh dene se keh main maanta hun woh kaam to nahin ho jaate jo kitaab bataati hai kerne ko aur jin se zulmo sitam aur danghe fasaad ruk jaate hen. issi liye mazhabi amaal se in kaamun ka koi taaluq hi nahin hai. yahee wajah log jis qadar chahen mazhabi amaal kerte rahen in main zulmo ziyaadati aur danghe fasaad ke khatam hone ka sawaal hi peda nahin hota kyunkeh mazhab insaanu ko theek tarah se is duniya main zinda rehna sikhaata hi nahin hai. woh to logoon ka waqt sirf aur sirf khudaa ki pooja paat main ghanwaa deta. is liye keh pooja paat bhi koi asaan baat nahin hai, is kaam ko theek tareeqe se anjaan dene ke liye logoon ne beshumaar zakheem kitaaben likhi hui hen. kabhi un kitaabun ko padhen to sahi. un kitaabun ko padhne ke baad insaan ke paas waqt hi nahin bachta keh woh baaqi koi kaam bhi ker sake. yahee wajah hai her mazhab ke log chande pe jeete hen apni kamayee pe nahin. is ke baojood khud ko doosrun se badh char ker samajhte hen.

doosra ye keh mazhab insaanu ko raasta deta hai keh baaqi jo kuchh karo tumaari marzi hai laikin mazhabi amaal ko nahin chhorna yahaan tak keh her waqt khudaa se maafi maangna keh kon jaane kab kia gunah ho gayaa ho. is ke barax quraan ke mutaabiq her kaam ka nateeja jald ya dair se her insaan ko mil ker rahta hai. gunaah aur maafi ka tasawur insaanu ko khudaa ke deen se door ker deta hai. quraan aik self organised aur self regulated zindagi ka tasawur deta hai logoon ko aik qowm ki soorat main. issi liye quraani maashra qaaim kiye baghair deene islam per poori tarah amal ho hi nahin sakta. ab logoon ko khud se sawaal poochhna chahiye keh kia log ham ko khudaa ki duniya main organised aur regulated qowm nazar aate hen? agra nahin to kyun nahin? is liye keh mazhab aisi baatun se insaanu ko beperwah ker deta hai. yahee wajah hai log jis qadar mazhabi zehn rakhte hun ussi qadar disorganised aur unregulated hun ge aur aik doosre ki gardane kaatne waale. See HERE.