شانزے خان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ
ہلمند صوبے ميں خود کش حملہ – 32 سالہ اميدوار سميت 8 شہری ہلاک۔
يہ حملے افغان عوام کو ان کے جمہوری حقوق سے محروم کرنے کی بزدلانہ کو شش ہيں۔
طالبان کی جانب سے انتخابی عمل کو ناکام بنانے کے ليے مزيد تخريبی کاروائيوں کی دھمکی
دہشت گردوں نے ايک بار پھر عوام پر دہشت اور خوف کے ذريعے اپنی مرضی مسلط کرنے کی اپنی حکمت عملی اور ترجيح واضح کر دی ہے۔
ايک جانب تو وہ معاشرے کی مجموعی بہتری کے ليے اپنی نام نہاد جدوجہد کے حوالے ديتے ہيں ليکن دوسری جانب عام لوگوں پر جبر، ظلم اور تشدد کے ذريعے حکومت کرنے کو درست قرار ديتے ہيں۔
عراق، پاکستان اور ديگر کئ ممالک کے بعد اب افغانستان ميں بھی انتخابی عمل سے پہلے اور اس کے دوران دہشت گردوں کی دھمکياں اور حملے يہ واضح کرتے ہيں کہ پرتشدد انتہا پسند عوامی راۓ سے کس قدر خائف رہتے ہيں۔
دہشت گرد تنظيميں بخوبی واقف ہيں کہ ايک ايسی سوچ يا فلسفہ جو نا صرف يہ کہ تشدد کی ترغيب دے بلکہ کم سن بچوں کو خودکش بمبار بنا کر ہتھيار کے طور پر استعمال کرنے کو درست قرار دے وہ مذہبی ثقافتی يا روايتی وابستگيوں سے قطع نظر کبھی بھی عوامی پذيرائ حاصل نہيں کر سکتی ہے۔
شانزے خان – ڈيجيٹل آؤٹ ريچ ٹيم – يو ايس اسٹيٹ ڈيپارٹمينٹ