سوشل میڈیا پر #PushtoonLivesMatter کے نام سے ایک ٹرینڈ ٹاپ پر ہے ۔یہ ٹرینڈ سانحہ ڈی چوک کے بعد تب نظر آیا جب اچانک پولیس کا کریک ڈاؤن شروع ہوگیا اور کئی پشتون ریڑھی بانوں، مزدوروں کو پولیس نے پکڑ کر بند کردیا اور ان پر 9 مئی کا کیس بنادیا۔۔
ان میں سے بعض پشتون ریڑھی بانوں نے انکشاف کیا کہ پولیس والے ان سے مفت کھانا ، مونگ پھلی اور جوسز لیتے تھے ، بھتہ بھی لیتے تھے جب ہم نےانکار کیا تو ہمیں گرفتار کرکے جیل میں ڈال دیا۔بعدازاں ایمان مزاری کی کوششوں سے انہیں رہائی ملی
اسی طرح کے مزید واقعات بھی سامنے آئے ،ایک شخص کو ڈی چوک واقعے پر پکڑا گیا جس نے کہا کہ وہ کباڑخانے میں نوکری کرتا تھا اور وہ اس دن وہاں مزدوری کررہا تھا جبکہ صحافی عدنان حیدر نے انکشاف کیا کہ انکے جاننے والے ایک ٹیکسی ڈرائیور کو صرف اسلئے پکڑا گیا کیونکہ وہ پٹھان تھا۔
صحافیوں اور سوشل میڈیا صارفین کی جانب سے اس پر سخت ردعمل دیا، کچھ صحافیوں نےد عویٰ کیا کہ اسلام آباد میں پشتونوں کی پروفائلنگ ہورہی ہے، انہیں ٹارگٹ کیا جارہا ہے اور جھوٹے مقدمات میں پھنسانے کی کوشش ہورہی ہے تاکہ وہ اسلام آباد سے چلےجائیں۔
سوشل میڈیا پر سخت ری ایکشن دیکھ کر اسلام آباد پولیس کو ردعمل دینا پڑا اور کہا کہ پشتون ہمارے بھائی اور ہمیں عزیز ہیں۔ غیور اور بہادر پشتون اس وطن عزیز کے محافظ ہیں اور پاکستانی قوم کا فخر ہیں۔ حالیہ امن عامہ کی صورتحال کے دوران کسی بھی پر امن پشتون کو ہرگز حراست میں نہیں لیا گیا۔
اس پر صحافی اے وحید مراد نے کہا کہ اصل خبر یہ ہے کہ اسلام آباد میں پنجاب سے لائے گئے محسن نقوی کی ایما پر پشتون پروفائلنگ ہو رہی ہے۔ محسن نقوی اور دیگر وزرا کے اس حوالے سے متعدد بیانات موجود ہیں
سوشل میڈیا صارفین کے مطابق پشتونوں کے خلاف مہم اور کریک ڈاؤن اسلئے چل رہا ہے تاکہ پنجابی پشتون کو لڑایا جاسکے
عدیل حبیب کا اس پر کہنا تھا کہ ن لیگ کو اچھی طرح معلوم ہے کہ پورا پاکستان ان سے شدید نفرت کرتا ہے۔ ان کی سیاست کا خاتمہ ہو چکا ہے، اور اب ان کے پاس صرف لسانیت کی سیاست کا سہارا رہ گیا ہے—یعنی تقسیم کرو اور حکومت کرو کی پالیسی۔ پنجابیوں کو پختونوں کے خلاف کھڑا کرنے کی کوشش کی جا رہی ہے، لیکن یہ دور انفارمیشن کا ہے، اور لوگوں کو بیوقوف سمجھنا اب ان کی بھول ہے۔ ان کی قسمت میں اب صرف ذلت اور رسوائی لکھی ہے۔
راشد نے تبصرہ کیا کہ اگر قومیت کے نعرے پر ووٹ ملنا ہوتا تو پختونخوا میں اے این پی، کراچی میں ایم کیوایم، سندھ میں قوم پرست جماعتوں اور بلوچستان میں بلوچ قوم پرستوں کو ملتے، سندھ میں پیپلزپارٹی قومیت کی بنیاد پر نہیں بلکہ وڈیروں کے اثرورسوخ، اور بھٹو کی وجہ سے ووٹ لیتی ہے ۔
شفاء یوسفزئی نے ردعمل دیا کہ محبت محبت کو جنم دیتی ہے اور نفرت نفرت کو جنم دیتی ہے۔
شاہد خٹک کا کہنا تھا کہ پشتون قوم کے ساتھ اسلام آباد میں جو ہورہا ہے قابل مزمت ہے پاکستان کو بنانے میں ہمارے ابا و اجد کا خون شامل ہے آئ جی اسلام آباد مسلم نون کا نمائندہ بن چکا ہے بہتر وردی اُتر کر عملی سیاست کا حصہ بن جائے
ندا نے عوام سے اپیل کی کہمیں نے نوے کی دہائی میں کراچی کو لسانیت کی آگ میں جلتے دیکھا ہے اس وقت بھی سندھی پختونوں اور مہاجروں میں کچھ ایسے باشعور لوگ بھی تھے جو نجی محفلوں میں اس لسانیت کے خلاف بات کرتے تھے اور اس کے خلاف آواز بلند کرتے تھے، پنجابی پختونوں سے ہاتھ جوڑ کر گذارش ہے کہ آپ اس سازش کو سمجھیں
- Featured Thumbs
- https://www.siasat.pk/data/files/s3/pashtu11n2h3.jpg
