Mutnaza Tareen Shakhsiat
متنازعہ ترین شخصیت
Author Muhammad Nawaz Kharal
UPDATE
found full book to download and read before any 1 commented
Full Book LINK
http://www.kitabosunnat.com/kutub-l...mi-kutub/1995-mutanaza-tareen-shakhsiyat.html
[TABLE="width: 98%, align: center"]
[TR]
[TD="colspan: 2, align: right"]
پروفیسر طاہر القادری کا وائٹ پیپر!!!
بظاہر دبلے پتلے اور چھریرے سے ۔ ۔ ۔ ۔ لیکن ایمانی طور پر بے حد مضبوط اور قوی جناب محمد نواز کھرل حالات حاضرہ پر گہری نظر رکھنے والے ان مستعد نوجوانوں میں سے ہیں جن پر ان کے معاصر رشک کرتے ہيں۔ وہ بیک وقت خطیب بھی ہيں اور ادیب بھی۔ وہ جب لب کشائی کرتے ہیں تو موج دریا ٹھہر جاتی ہے۔ دوران خطابت استعاروں اور تشبیہات کا مینہ چھاجوں برستا ہے۔ اشعار اور الفاظ دست بستہ ان کی خدمت میں حاضر رہتے ہیں اور لاکھوں کا جم غیفران کی مٹھی ميں ہوتا ہے۔ اسلام عشق رسالت مآب صلی اللہ علیہ وسلم اور جب پاکستان کی دولت سے مالا مال ان کے مضامین ملکی و غیر ملکی اخبارات و جرائد میں تواتر کے ساتھ شائع ہوتے رہتے ہیں۔ ان کی تحریر ميں بلا کا سوز اور سلگتا بے پایاں درد کروٹیں لیتا نظر آتا بلکہ محسوس ہوتا ہے۔ ان کے تخیل کی رفعت، بیداری حیات کا سامان لۓ ہوتی ہے۔ زیر نظر کتاب "متنازعہ ترین شخصیت" جناب محمد نواز کھرل کی دس سالہ شبانہ روز محنت اور عرق ریزی کا منہ بولتا ثبوت ہے جس پر وہ تحسین کے قابل ہیں۔
"متنازعہ ترین شخصیت" دراصل پروفیسر طاہر القادری کے "سائیکل سے لینڈ کروزر تک" کے ارتقائی سفر کا جائزہ ہے جس پر نہایت مثبت انداز میں تنقید کی گئی ہے جناب طاہر القادری کا المیہ یہ ہے کہ وہ ہمیشہ قول و فعل کے تضاد کا شکار رہے ہيں۔ اس داخلی و خارجی دوہرے پن نے ان کی شخصیت کو بری طرح مسخ کر کے رکھ دیا ہے۔ ایک طرف وہ بے نظیر بھٹو کو اپنی بہن قرار دیتے ہیں تو دوسری طرف محترمہ کو کرپٹ بھی کہتے ہيں۔ ایک طرف وہ میاں نواز شریف کو سکیورٹی رسک قرار دیتے ہيں تو دوسری طرف انہیں ایٹمی دھماکہ کرنے پر مبارک باد بھی پیش کرتے ہیں۔ ایک طرف کہتے ہيں کہ احتجاج اور ریلیوں سے ملک میں بد امنی پھیلے گی، دوسری طرف وہ خود بڑے اہتمام سے احتجاجی جلسے، جلوس اور ریلیاں منعقد کرواتے ہيں ادھر کلچرل میلہ کا انعقاد کرواتے ہیں تو ادھر میلاد کانفرنس کا اہتمام بھی دھوم دھام سے کرتے ہیں۔
[/TD]
[/TR]
[TR]
[TD="colspan: 2"]
[/TD]
[/TR]
[TR]
[TD="colspan: 2, align: right"]علامہ طاہر القادری صاحب نے گزشتہ کئی برسوں سے ماڈریٹ، پروگریسو اور سیکولر شخصیت کا گاؤن پہن رکھا ہے۔ وہ خواب کہانیاں، بے وقت کی راگنیاں اور اوٹ پٹانگ باتوں سے قوم کو محفوظ کرتے رہتے ہيں۔ ان کی پریس کانفرنسیں رطب و یا بس لاحاصل اور مناقشات سے بھر پور ہوتی ہیں۔ بہترین درسگاہ ادارہ منہاج القرآن جن عظیم الشان مقاصد کے حصول کے لۓ قائم کیا گیا تھا، بد قسمتی سے وہ پروفیسر طاہر القادری کی منفی سیاست کی بھینٹ چڑھ چکے ہيں۔ مہاتما بننے کی اندھی خواہش اور خود کو "عقل کل" سمجھنے کے نفسیاتی عارضے کا شکار ہو کر ان کی شخصیت "ایسٹریکٹ آرٹ" کا شہکار بن چکی ہے۔ یہاں سے فارغ ہونے والے نوجوان جنہوں نے کار زمانہ کی باگ ڈور سنبھالنا تھی اپنی اوچھی حرکات کی بدولت معاشرے میں ہدف تضحیک بن کر رہ گۓ ہيں۔ "مصطفوی انقلاب" کے نعرہ سے دستبرداری کے بعد "وزیر اعظم طاہر القادری" ان کا نصب العین ٹھہرا۔ نجانے انہیں کس کی نظر کھا گئی کہ ان کا معیار ایک مسخرے کی سطح سے بھی نيچے گر گیا۔ احسن تقویم کی بلندیوں کی طرف گامزن اسفل السافلین کی تاریک اتھاہ گہرائيوں میں گر گۓ۔ "قال اللہ و قال الرسولۖ" کی ایمان افروز آوازوں سے مہکنے والے کلاس رومیوں میں اب "بن کے مست ملنگ رہیں گے، طاہر ترے سنگ رہيں گے" کے ترانے، بھنگڑے ڈالتے ہوۓ، فلمی طرز پر گاۓ جاتے ہيں۔ انا للہ وانا الیہ راجعون۔ شائد انہيں بتایا گیا ہو کہ اس "مجاہدہ" سے عرفان حاصل ہوتا ہے۔ جبکہ وہ اس عاشقی میں عزت سادات بھی گنوا بیٹھے ہیں۔ اہل بصیرت اس صورتحال کو زوال اور عذاب سے تعبیر کرتے ہیں۔ واقعی جہاں لنگڑے بھنگڑے ڈالیں، اندھے بیچیں، سر کٹے دستاریں فروخت کریں، گنجے "مقابلہ آرائش گیسو" کا انعقاد کروائيں اور ٹنڈے شمشیر زن ہونے کا دعوی کریں وہاں سے کس خیر کی توقع کی جا سکتی ہے؟ ایسی ہستی کے اہل نظر آشوب چشم اور اہل فکر ضیق النفس میں مبتلا ہو جاتے ہيں۔ ستم تو یہ ہے کہ انہیں اس نا قابل تلافی نقصان کا احساس بھی باقی نہیں رہتا۔
واۓ ناکامی متاع کارواں جاتا رہا
کارواں کے دل سے احساس زیاں جاتا رہا
جناب طاہر القادری کا یہ جرم نہایت سنگین ہے کہ انہوں نے محض سستی شہرت، دولت اور سیاسی اقتدار کی خاطر ایسے خوابوں کا سہارا لیا جن میں حضور نبی کریم صلی اللہ علیہ وسلم کی صریحا توہین پائی جاتی ہے۔ ایسا سوچا بھی نہیں جا سکتا کہ کوئی "نابغہ روزگار" اس حد تک ذہنی قلاش ہو سکتا ہے
[/TD]
[/TR]
[/TABLE]
- Featured Thumbs
- http://img.docstoccdn.com/thumb/orig/92752039.png
Last edited:
