Kashif Rafiq
Prime Minister (20k+ posts)
اداکارہ مہوش حیات کو سوشل میڈیا صارفین کی جانب سے ایک بار پھر شدید تنقید کا نشانہ بنایا جا رہا ہے۔
گزشتہ روز اداکارہ مہوش حیات نے سماجی رابطے کی ویب سائٹ ٹوئٹر پر متحدہ عرب امارات کا شکریہ ادا کرتے ہوئے ٹوئٹ کیا تھا اور لکھا تھا کہ ’میں متحدہ عرب امارات کا شکریہ جس نے مجھے یو ایس اوپن ٹینس کا فائنل دیکھنے کے لیے دعوت دی ۔
انہوں نے کہا کہ رافیل نڈال کو سنسنی خیز مقابلہ جیتتا دیکھ کر بہت خوشی ہوئی۔‘
مہوش حیات نے مزید لکھا کہ ’آپ کی وی آئی پی مہمان نوازی اور دلچسپ لوگوں سے ملاقات کا موقع فراہم کرنے کے لیے بھی بےحد شُکر گُزار ہوں۔‘
مہوش حیات کے اِس ٹوئٹ کے بعد ٹوئٹر صارفین اُن کو سخت تنقید کا نشانہ بنارہے ہیں۔
اسرار رئیسانی نامی ٹوئٹر صارف نے مہوش حیات پر تنقید کرتے ہوئے لکھا کہ ’کیا آپ کو ٹینس گیم کے بارے میں کچھ معلوم ہے؟ آپ کو صرف ’رافیل نڈال‘ کو کھیلتا دیکھنے کا تجربہ ہوا ہے اِس کے علاوہ آپ کچھ نہیں جانتی ہو۔‘
ٹوئٹر صارف کے اِس ٹوئٹ پر مہوش حیات بھی چُپ نہ رہیں اور اسرار رئیسانی کو جواب دے ڈالا، مہوش حیات نے لکھا کہ ’ کسی کے بارے میں یہ بیان دینا کہ وہ اپنی شخصیت کے بارے میں کچھ نہیں جانتا ہے؟ اپنی سوچ کے مطابق کسی کے لیے اندازہ لگانا غلط ہے۔‘
انہوں نے لکھا کہ ’میں نے تو سوچا تھا کہ ہم سب یہاں امن و محبت کے لیے موجود ہیں اور ویسے میں کبڈی اور کُشتی کے بارے میں جانتی ہوں، برائے مہربانی اِس بُنیاد پر مجھے تنقید کا نشانہ بنانا چھوڑ دیں۔‘
حمزہ خان نامی صارف نے مہوش حیات کے لباس پر تنقید کرتے ہوئے کہا کہ ’ تھوڑا ڈریسنگ پر خرچہ کرلو تو شاید کچھ بہتر لگوگی۔‘
اِس ٹوئٹ کے جواب میں مہوش حیات نے لکھا کہ ’ آپ کا شکریہ ! برائے مہربانی آپ فیشن کے لیے مجھے کچھ نُکات دیں، مجھے لگتا ہے کہ اس معاملے میں میری مدد کرنے کے لیے آپ سے بہتر کوئی شخص نہیں ہے۔‘
واضح رہے کہ مہوش حیات اِس سے قبل بھی کسی نہ کسی وجہ سے سوشل میڈیا صارفین کی تنقید کا شکار رہی ہیں۔
مہوش حیات ایک بار پھر تنقید کا نشانہ
اداکارہ مہوش حیات کو سوشل میڈیا صارفین کی جانب سے...
jang.com.pk
- Featured Thumbs
- https://i.imgur.com/K5IM0Et.jpg
