اچھا تو یہ انکو موقف پیش کرنے سے پہلے بتانا ہوتا ہے یا بعد میں کہ بھائی یہ میں نے بات تو کر دی ہے، بس اسے سن کر بھول جانا؟
یہ کوئی نہیں کہتا. آپ جانتے ہیں. آپ زیادہ سے زیادہ اپنی بات کہہ سکتے ہیں. اگر آپ یہ کہہ دیں کہ یار نہ بھولنا تو کیا ان پر فرض ہو جائیگا یاد رکھنا؟
اور یاد رہے، جب آپ کسی ملک کے خلاف اپنا موقف دیتے ہیں تو انکو بھی پورا موقع دیا جاتا ہے انکے موقف کو سمجھانے کا۔ جب نواز شریف نے تقریر کی تھی تو بعد از سشما بی بی کی بھی تقریر ہوئی تھی۔ اور یہی بات نصرت جاوید کہہ رہا ہے کہ بات تو آپ کر دیتے، لیکن اسکے بعد جب انڈیا اپنا موقف سامنے رکھتا اور کہتا کہ جناب ہمیں بندے سے ملنے دیا جائے تب آپ نے پھنس جانا تھا اور اگر پھر آپ اس بات سے پیچھے ہٹتے تو بجائے دنیا میں عزت کروانے کے اپنے اداروں کو ہی نہ صرف بدنام کرواتے بلکہ انکی محنت پر بھی پانی پھیر دیتے۔
واہ بھئی واہ! کیا منطق ہے. یعنی ویسے تو انہوں نے آپ کی ساری باتوں سے اتفاق کر لیا ہے نا. بس بلوچستان والی بات کرنے کی دیر تھی کہ سشما سوراج نے ایسی کی تیسی کر دینی تھی. ویسے کون سا معاف کیا ہے اگلی نے؟ بھائی بندے تک رسائی انہوں نے تبھی مانگ لی تھی جب اے ایس پی آر نے اس کو را کا ایجنٹ بتایا تھا. جب وزیراعظم اپنے اداروں کا موقف دہرائے تو وہ اداروں کو طاقت دیتا ہے بدنام نہیں کرتا. ادارے بدنام تب ہوتے ہیں جب وزیراعظم انکی کارکردگی کو اس قابل ہی نہ سمجھے کہ دنیا کو بتائی جا سکے اور ایسا گونگا بن جائے جیسے اداروں نے کوئی جرم کر دیا ہے اور اس پر پردہ ڈالنا ضروری ہے
اور جناب آپ اگر بلوچستان کی اصل صورت حال سے واقف ہوں تو ایسی صورت میں جب وہاں پر ہزارہ برادری پر حملے ہوتے ہیں اور شیعہ سنی فسادات ہوتے ہیں اور پاکستان کے بارڈر سے کتنے لوگ غیر قانونی طریقے سے ایران کے راستے یورپ وغیرہ کی طرف جاتے ہیں، اس بات پر ہی اگر ایران واویلا کردے جوابی طور پر تو آپ کے دشمن ایک سے زیادہ ہوجاتے ہیں۔ پھر اسکے بعد کیا آپکو علم ہے کہ کتنی انوسٹمنٹ ہم ایران سے کروانے کا ارادہ رکھتے ہیں کیا آپکو اندازہ ہے کہ ایسی باتوں سے آپکے سفارتی تعلقات پر کیا فرق پڑتا ہے؟ آپ کے لیئے بس وہی ٹھیک ہے جو خان صاحب نے کہہ دیا۔
جناب شکر ہے آپ نے یہ نہیں کہہ دیا کہ ایران نے ہماری سانسیں بند کر دینی تھیں. آپ تو ایسے کہہ رہے ہیں جاسوس ہم نے نہیں ایران نے ہمارا پکڑ لیا ہے ہزارہ برادری اور شیعہ سنی فسادات ہی کے سلسلے کی تو ایک کڑی ہے کلبھوشن کی گرفتاری. ایران سے سفارتی تعلقات سے ہم ہی کیوں ڈریں؟ جاسوس آیا بھی وہاں سے اور جان بھی ہماری نکل رہی ہے. آپکا بھی میاں صاحب والا رویہ ہے کہ خاموش ہی رہو کہیں بھارت اور ایران ناراض نہ ہو جائیں کہ انکا جاسوس کیوں پکڑ لیا ہے؟
