carne
Chief Minister (5k+ posts)
سابق نیشنل سیکورٹی ایڈوائزر معید یوسف نے بھارتی صحافی کرن تھاپر کو ایک انٹرویو میں کہا کہ وہ وزیراعظم شہباز شریف کو مشورہ دیں گے کہ وہ بھارتی وزیراعظم نریندر مودی سے ٹیلی فون پر بات کریں اور پوچھیں کہ کیا ہم دونوں ایک دوسرے کی مکمل تباہی چاہتے ہیں؟
انہوں نے کہا کہ وزیراعظم کو مودی سے یہ پوچھنا چاہیے کہ اگر دونوں ممالک کو ایک ہی جگہ رہنا ہے، تو کیا وہ کشیدہ تعلقات چاہتے ہیں یا دونوں ممالک کو مہذب ہمسایہ اقوام کی طرح آگے بڑھتے دیکھنا چاہتے ہیں؟
معید یوسف کا کہنا تھا کہ وزیراعظم کو مودی کو یہ بتانا چاہیے کہ یہاں کے عوام کے جذبات پر قابو پانا بھی ان کے لیے مشکل ہے، کیونکہ جو کچھ بلوچستان میں ہو رہا ہے اور بھارت جو کچھ کر رہا ہے، وہ عوام کے سامنے ہے۔ اگر بھارت ایٹمی ماحول میں جنگی جنون میں رہنا چاہتا ہے، تو یہ اس کی مرضی ہے۔
انہوں نے مزید کہا کہ بھارت نے جیسے پہلے قدم اٹھائے تھے، اسی طرح وہ دوبارہ بھی ایسا کر سکتا ہے، کیونکہ مودی نے کشیدہ ماحول پیدا کر رکھا ہے، اور پاکستان کو اس کے لیے تیار رہنا چاہیے۔
Last edited by a moderator:
