پاکستان کے 75 ویں یوم آزادی کی مناسبت سے اسٹیٹ بینک نے 75 روپے کے یادگاری نوٹ کا ڈیزائن کا اجرا کردیا،اسٹیٹ بینک کی جانب سے جاری کیے گئے یادگاری نوٹ کے ڈیزائن میں قائد اعظم، علامہ اقبال، سرسید احمد خان اور فاطمہ جناح کی تصاویر موجود ہیں۔
اسٹیٹ بینک کا کہنا ہے کہ نوٹ پر تصاویر تحریک پاکستان کی کوششوں کے اعتراف میں ہیں جبکہ اس کی پشت پر مارخور کی تصویر پائیدار ماحول پر توجہ کی عکاس ہے،اسٹیٹ بینک کے مطابق 75 روپے کا یادگاری نوٹ 30 ستمبر سے عوام کیلئے جاری ہوگا،نوٹ میں سبز اور سفید رنگ کا امتزاج ہے،نوٹ کی منظوری جون میں دی گئی تھی۔
پرچم کشائی کی تقریب سے خطاب میں قائم مقام گورنر اسٹیٹ بینک مرتضیٰ سید نے کہا کہ ہمیں آنے والی نسلوں کو ملک کی فلاح کیلیے تیار کرنا ہے