کراچی چڑیا گھر میں ہتھنی نورجہاں کی حالت انتہائی تشویشناک ہے، نورجہاں چلنے سے بھی قاصر ہے، جبکہ جمعرات کے روز خالی تالاب میں گرنے کے بعد نورجہاں کی حالت مزید خراب ہوگئی،جے ایف کے اینیمل اینڈ ریسکیو شیلٹر کی جانب سے شیئر کی گئی ویڈیو میں کراچی کے چڑیا گھرمیں موجود 17 سالہ نورجہاں کو تقریباً بےجان حالت میں دیکھا جاسکتا ہے۔
ویڈیوز کے بعد بہت سے سوشل میڈیا صارفین اور مشہور شخصیات نے ہتھنی کی حالت دیکھ کر شدید برہمی کا اظہار کیا،گلوکارہ نتاشا بیگ نے اپنی انسٹاگرام اسٹوری پرطنزاً لکھا نور جہاں کو مرنے کے بعد ہی سکون مل سکتا ہے، پاکستان واقعی جانوروں پر رحم کرنے سے قاصر ہے۔
اداکارہ عائشہ عمر نے اس ویڈیو کو دل دہلا دینے والی قرار دیتے ہوئے سوال کیا، کیا کوئی راستہ ہے جس سے ہم مدد کر سکیں؟ اداکارہ سیمی راحیل نے بھی نورجہاں کی حالت پرتشویش کااظہار کیا،
انسٹا اسٹوری میں لکھا کہ وہ ہتھنی کی صحت یابی کیلئے دعا گو ہوں، اداکا
ماہرہ خان نے انسٹااسٹوری میں سوال اٹھایا ہم چڑیا گھروں کو بند کیوں نہیں کررہے؟ وزیر خارجہ بلاوی بھٹو زرداری کی بہن بختاور بھٹو زرداری نے بھی ہتھنی کی حالت دیکھر کر برس پڑیں، کراچی چڑیا گھرکو بند کرنے کا مطالبہ کردیا،
اپنے جنگلے میں قائم خشک تالاب میں گرنے کے بعد ہتھنی کو شام ساڑھے 5 بجے کرین کے ذریعے تالاب سے نکالا گیا تھا،طبی ماہرین کے مطابق ہاتھی زیادہ دیرنہیں بیٹھتا، بیمار ہتھنی حرکت کرنے سے بھی قاصر ہے کیونکہ اس کی پچھلی ٹانگوں میں درد کے باعث اٹھنے میں شدید مشکل ہے۔
بلدیہ عظمی کراچی کے ترجمان نے کہا تھا چڑیا گھر میں موجود ہتھنی کی طبعیت خراب ہونے کی خبروں میں کوئی صداقت نہیں ہے، اس کا علاج کرنے والی ملکی اور غیر ملکی ٹیم مسلسل ہتھنی کی دیکھ بھال کررہی ہے۔
Last edited by a moderator:
