نیوزی لینڈ کے گلین ڈومینیک فلپس کے پکڑے گئے کیچ کی ویڈیو سوشل میڈیا پر وائرل ہو رہی ہے جس پر سوشل میڈیا صارفین نے انہیں سپرمین قرار دے دیا۔
آسٹریلیا کے سڈنی کرکٹ گراؤنڈ میں کھیلے جانے والے 8 ویں آئی سی سی مینز ٹی ٹوینٹی ورلڈ کپ کے سُپر 12 مرحلے کے افتتاحی میچ میں گروپ 1 کی ٹیم آسٹریلیا کا مقابلہ نیوزی لینڈ سے ہوا، آسٹریلیا نے ٹاس جیت کر فیڈلنگ کیا۔میچ میں آسٹریلیا کو 89 رنز سے شکست دے نیوزی لینڈ فاتح قرار پایا، میچ کے دوران نیوزی لینڈ کی ٹیم نے بلےبازی ، گیندبازی اور فیلڈ میں اپنی صلاحیتوں کا بھرپور اظہار کیا۔
آسٹریلوی ٹیم 200 رنز کے ہدف کا تعاقب کرتے ہوئے 111 رنز بناکر ڈھیر ہوگئی۔ میچ میں نیوزی لینڈ کے وکٹ کیپر، بلے باز گلین ڈومینیک فلپس کی طرف سے پکڑے گئے ایک کیچ کی ویڈیو سوشل میڈیا پر وائرل ہو رہی ہے جس پر سوشل میڈیا صارفین نے انہیں سپرمین قرار دے دیا۔
ٹی ٹوینٹی ورلڈکپ کے آفیشل ٹویٹر پیج سے گلین ڈومینیک فلپس کے کیچ پکڑنے کی ویڈیو شیئر کی گئی اور پیغام میں لکھا کہ: سپرمین فلپس! جس پر سوشل میڈیا صارفین بھی اپنی رائے کا اظہار کر رہے ہیں!
ہوم ٹیم اور ٹی ٹوینٹی ورلڈ کپ کی دفاعی چمپئن آسٹریلیا کے بلے باز بڑھتے رن ریٹ کے دبائو میں آئے تو آسٹریلیا بلے باز مارک سٹوئٹسنے مچل سینٹنر کی گیند پر کور کی طرف ایک اونچا سٹروک کھیلا لیکن گیند کے ہوا میں زیادہ دیر تک معلق رہنے کی وجہ سے ڈیپ کور پر فیڈلنگ کر رہے گلین ڈومینیک فلپس نے اپنی داہنی طرف تیزی سے بھاگتے آئے اور ہوا میں اچھل کر کیچ پکڑ کر شائقین کرکٹ کو حیران کر دیا۔
نیوزی لینڈ کی ٹیم نے پہلے بلے بازی کرتے ہوئے 3 وکٹو پر 200 رنز بنائے تھے جبکہ آسٹریلیا کی ٹیم صرف 11 رنز بنا سکی جبکہ آج کھلے جانے والے دوسرے میچ میں افغانستان اور انگلینڈ آمنے سامنے ہیں۔ ٹی ٹوئنٹی ورلڈ کپ ٹورنامنٹ کے لیے 8 ٹیموں کو دو گروپس(گروپ اے اور گروپ بی) میں تقسیم کیا گیا ہے۔
