کیا پی سی بی مینجمنٹ بابر اعظم کو ٹیم سے باہر رکھنے کا ارادہ رکھتی ہے؟

قومی ٹیم کے سابق فاسٹ بولر شعیب اختر نے پیش گوئی کی ہے کہ پاکستان کرکٹ بورڈ (پی سی بی) کی موجودہ سلیکشن کمیٹی چیمپیئنز ٹرافی کے بعد بابراعظم کو ٹیم سے باہر کر سکتی ہے۔

ایک انٹرویو میں شعیب اختر نے کہا کہ اگر بابراعظم چیمپیئنز ٹرافی میں کارکردگی دکھانے میں ناکام رہے تو ان کی جگہ خطرے میں پڑ سکتی ہے۔ انہوں نے کہا کہ بابر کو جارحانہ کھیل اپنانا ہوگا کیونکہ نئی مینجمنٹ یہی چاہتی ہے۔

پی سی بی کی موجودہ سلیکشن کمیٹی بابراعظم کو چیمپیئنز ٹرافی تک کارکردگی دکھانے کا موقع دے گی، لیکن اگر وہ ناکام رہے تو انہیں ٹیم سے ڈراپ کرنے کا امکان ہے۔ شعیب نے اس بات پر زور دیا کہ بابر کو جارحانہ انداز اپنانا ہوگا تاکہ وہ ٹیم میں اپنی جگہ برقرار رکھ سکیں، کیونکہ نئی مینجمنٹ یہی ترجیح دیتی ہے

شعیب اختر نے مزید کہا کہ چیمپیئنز ٹرافی کی میزبانی پاکستان کا حق ہے لیکن بھارت جا کر کھیلنے سے انکار مناسب نہیں۔ انہوں نے گرین شرٹس کو بھارت میں ان کے ہوم گراؤنڈ پر شکست دینے کی ضرورت پر زور دیا۔ ان کے مطابق، چیمپیئنز ٹرافی کے لیے ہائبرڈ ماڈل پر اتفاق ہو چکا ہے اور پاکستان کو بہترین تیاری کرنی چاہیے۔