قومی کرکٹ ٹیم کے خلاف بنگلہ دیش میں پریکٹس سیشن کے دوران قومی پرچم نصب کرنے پر مقدمہ درج کروادیاگیا ہے۔
مائیکروبلاگنگ ویب سائٹ ٹویٹر پر مشہور اسپورٹس جرنلسٹ ساجد صادق نے اپنی ٹویٹ میں اس خبر کی تصدیق کی اور کہا کہ اطلاعات ہیں کہ ڈھاکہ میں قومی کرکٹ اسکواڈ کے خلاف پریکٹس سیشن کے دوران اپنے کیمپ میں قومی پرچم لگانے پر مقدمہ درج کروادیا گیا ہے۔
کچھ میڈیا کے حلقوں کا کہنا ہے کہ پولیس نے قومی پرچم لگانے پر مقدمہ درج کرنے کی درخواست مسترد کردی ہے جبکہ بعض کا کہنا ہے کہ مقدمہ تاحال درج نہیں کیا گیا
یادرہے کہ قومی ٹیم نے گزشتہ ہفتے بنگلہ دیش دورے پر پہنچ کر پریکٹس سیشن کے دوران پاکستانی پرچم لگا کر پریکٹس کی جس کے بعد ایک تنازعہ کھڑا ہوگیا تھا،جس پر ایک بنگلہ دیشی وزیر آپے سے باہر ہوگئے تھے۔
بنگلہ دیشی وزیر مملکت برائے اطلاعات مراد حسن نے کہا کہ پاکستان کرکٹ ٹیم کو ڈھاکہ کے سٹیڈیم میں پریکٹس کے دوران پروٹوکول کی خلاف ورزی کرتے ہوئے قومی پرچم لہرانے پر وطن واپس بھیج دیا جانا چاہیے۔
تاہم پی سی بی حکام کی جانب سے اس حوالے سے وضاحت جاری کی گئی تھی کہ بنگلہ دیش کرکٹ بورڈ سے اس کیلئے پہلے رسمی اجازت مانگی گئی ہے۔
- Featured Thumbs
- https://www.siasat.pk/data/files/s3/parcham-1113.jpg
