پاکستان کرکٹ ٹیم کے کپتان بابراعظم نے بتایا ہے کہ نیٹ پریکٹس کے لیے ایک دن میں کل 600-700 گیندوں کو ہِٹ کرنا ہوتا ہے۔
تفصیلات کے مطابق نٹرنیشنل کرکٹ کونسل (آئی سی سی) کی جانب سے جاری کردہ ویڈیو میں کپتان بابر اعظم کا کہنا تھا کہ وہ ایک دن میں ٹریننگ کے دوران 600 سے 700 گیندیں کھیلتے ہیں۔
کپتان بابر اعظم نے ٹی ٹوئنٹی ورلڈ کپ میں بہترین کارکردگی کا مظاہرہ کرتے ہوئے پاکستان کو بھارت، نیوزی لینڈ اور افغانستان کے خلاف لگاتار تین فتوحات دلائی تھیں، بابر نے ہندوستان اور افغانستان کے خلاف اہم رنز بنائے تاکہ پاکستان کو سرفہرست رہنے میں مدد ملے۔
واضح رہے کہ بابراعظم نے ٹی ٹوئنٹی ورلڈ کپ میں افغانستان کے خلاف میچ میں نصف سنچری اسکور کر کے بطور کپتان سب سے زیادہ نصف سنچری اسکور کرنے کا بھارتی کپتان ویرات کوہلی کا ریکارڈ برابر کیا تھا جبکہ اسی میچ میں بابراعظم نے بطور کپتان تیز ترین ایک ہزار رنز مکمل کرنے والے بیٹس مین بن گئے۔
انہوں نے یہ اعزاز محض 26 میچوں میں حاصل کیا، آئی سی سی ٹی ٹوئنٹی رینکنگ میں قومی ٹیم کپتان دوسرے نمبر پر موجود ہیں۔
بابراعظم نے ٹی ٹوئنٹی انٹرنیشنل میں 63 میچ کھیل رکھے ہیں، انہوں نے 47.52 کی اوسط سے 2 ہزار 281 رنز بنا رکھے ہیں۔
- Featured Thumbs
- https://www.siasat.pk/data/files/s3/babar-azam-pracice211.jpg
