نیوزی لینڈ نے بھارت کے سیمی فائنل میں پہنچنے کے ارمان خاک میں ملادئیے۔ نیوزی لینڈ نے افغانستان کو ہرا کر بھارت کو ٹی ٹوئنٹی ورلڈکپ 2021 سے باہر کردیا۔
اپنی جیت کے ساتھ نیوزی لینڈ سیمی فائنل میں پہنچ گیا جبکہ بھارت سیمی فائنل کی دوڑ سے باہر ہوگیا۔ اب بھارت کل نمیبیا کیساتھ بے مقصد میچ کھیلے گا جس کے بعد بھارتی ٹیم اپنے ملک روانہ ہوجائے گی۔
ابوظبی میں کھیلے گئے اس میچ میں افغانستان کی جیت کی صورت میں ہی بھارت سیمی فائنل میں پہنچ سکتا تھا جس کے لئے بھارتیوں نے پراتھنائیں کیں، منتیں مانگیں،چڑھاوے چڑھائے لیکن بات نہیں بنی اور سیمی فائنل کی دوڑ سے باہر ہوگیا۔
بھارت کے ٹی ٹوئنٹی ورلڈکپ سے باہر ہوجانے کے بعد سوشل میڈیا پر مختلف میمز بنائی جارہی ہیں اور اس دوران ویرات کوہلی کی پرانی ٹوئٹ بھی وائرل ہوگئی۔
بھارتی کرکٹ ٹیم کے کپتان ویرات کوہلی نے 2012 میں ایک ٹوئٹ کی تھی جس میں ان کا کہنا تھا ’’کل گھر جارہا ہوں لیکن اچھا محسوس نہیں ہورہا‘‘۔
سوشل میڈیا صارفین نے ویرات کوہلی کی اس ٹوئٹ کو موجودہ صورتحال سے جوڑ کر دلچسپ تبصرے کرنا شروع کردئیے اور کہا کہ ائیرپورٹ کا راستہ یہ رہا، ہیو اے سیف جرنی، کسی نے کہا کہ بڑے بے آبرو ہوکر تیرے کوچے سے ہم نکلے تو کسی نے پتھر پکڑے لوگوں کی تصویریں شئیر کرتے ہوئے کہا کہ ائیرپورٹ پر آپکے فینز آپکا انتطار کررہے ہیں۔
ایک سوشل میڈیا صارف احسن نے کہا کہ امید ہے کہ آپ کابل ہوٹل کے پانچویں فلور سے فائنل دیکھیں گے۔
ایک سوشل میڈیا صارف نے پتھر ہاتھ میں پکڑے ایک شخص کی تصویر شئیر کرتے ہوئے کہا کہ آپکے فینز ائیرپورٹ پر آپکا انتظار کررہے ہیں۔
شہریاریوسف نے لکھا ’’ ممبئی ایئرپورٹ جانے کا راستہ یہ رہا، خیال سے جائیے گا، خدا حافظ‘‘۔
ایک صارف نے کہا کہ کوہلی صاحب آپکے جانے پر ہمیں مایوسی ہوئی۔
اویس خان نے طنز کیا کہ بڑے بے آبرو ہو کہ کوچہ یار سے نکلے ۔۔۔بھارتی کرکٹ ٹیم بےآبرو ہو کےدبئی سے وطن واپس روانہ
دیگر سوشل میڈیا صارفین بھی دلچسپ میمز بناکر ویرات کوہلی پر خوب طنز کیا۔
- Featured Thumbs
- https://www.siasat.pk/data/files/s3/virat-old-tweet211.jpg
Last edited:
