روپے کے مقابلے میں ڈالر کی قدر میں مسلسل کمی کے بعد امریکی ڈالر کی قیمت میں ایک مرتبہ پھر اضافہ ہونے لگا۔سٹاک مارکیٹ بھی مندی کا شکار
سعودی عرب کی طرف سے اربوں ڈالرز کی امداد وقتی ریلیف ثابت ہوئی اور گزشتہ 2 ہفتوں سے امریکی ڈالر کی قیمت میں کمی دیکھنے کو ملی ۔ایک موقع پر مارکیٹ میں امریکی کرنسی 175 روپے کی سطح سے تجاوز کر گئی تھی تاہم امداد ملنے کے بعد ایک ہفتے کے دوران قیمت 170 روپے سے نیچے آ گئی تھی، لیکن آج روپے کے مقابلے میں امریکی ڈالر کی قیمت میں ایک بار پھر اضافہ دیکھنے کو آیا ہے۔
سٹیٹ بینک آف پاکستان کی جانب سے جاری کردہ اعداد و شمار کے مطابق رواں ہفتے کے پہلے کاروباری روز کے دوران انٹر بینک میں روپے کے مقابلے میں امریکی ڈالرمزید 50 پیسے مہنگا ہو گیا اور قیمت 170.01 پیسے سے بڑھ کر 170 روپے 51 پیسے ہو گئی ہے۔
صبح کاروباری دن کا آغاز ہوا تو ڈالر کی قدر میں کمی دیکھنے میں آئی لیکن وقت گزرنے کے ساتھ ساتھ ڈالر کی قیمت میں اضافہ ہونے لگا۔
دوسری جانب اوپن مارکیٹ میں بھی امریکی کرنسی 40 پیسے مہنگی ہو گئی اور نئی قیمت امریکی ڈالر 170 روپے 40 پیسے پر فروخت ہو گئی۔
پاکستان سٹاک مارکیٹ بھی آج مندی کا شکار رہی، پورا دن اتار چڑھاؤ کی صورتحال رہی۔ کاروباری دن کا آغاز مثبت رجحان پر ہوا اور 100 انڈیکس میں 100 سے زائد پوائنٹس کا اضافہ دیکھنے میں آیا لیکن اسکے بعد سٹاک مارکیٹ تنزلی کا شکار ہونا شروع ہوگئی۔
کاروباری دن کے اختتام پر 180.76 پوائنٹس کی مندی ریکارڈ کی گئی اور انڈیکس 47115.04 پوائنٹس کی سطح پر پہنچ کر بند ہوا۔
پورے کاروباری روزکے دوران کاروبار میں 0.38 فیصد کی تنزلی دیکھی گئی۔
- Featured Thumbs
- https://www.siasat.pk/data/files/s3/doll1234.jpg
