حکومت کی جانب سے روپے کی قدر میں استحکام کے تمام دعوے دھرے کے دھرے رہ گئے ہیں، انٹربینک میں آج ڈالر 1 روپیہ 56 پیسے مہنگا ہوگیاہے۔
مائیکروبلاگنگ ویب سائٹ ٹویٹر پر اسٹیٹ بینک آف پاکستان کی جانب سے جاری کردہ تازہ ترین اعدادوشمار کے مطابق گزشتہ روز 219 روپے86پیسے میں فروخت ہونےو الے امریکی ڈالر کی قدر میں آج 1روپیہ 56پیسےاضافہ ہوا جس کے بعد ڈالر 221 روپے42 پیسے کی سطح پر پہنچ گیا ہے۔
دوسری جانب اوپن مارکیٹ میں بھی ڈالر کی قدرمیں اضافے کا سلسلہ جاری ہے ، انٹر بینک اور اوپن مارکیٹ میں ڈالر کی قیمت میں تقریبا 12 روپےکا فرق پیدا ہوگیا ہے، اوپن مارکیٹ میں ڈالر 233 روپے میں فروخت ہورہا ہے۔
معاشی تجزیہ کار فہد عرفان کے مطابق اوپن مارکیٹ اور انٹر بینک مارکیٹ میں قیمتوں کے فرق کی ایک وجہ ڈالر کی افغانستان کے راستے پاکستان سے باہر اسمگلنگ ہے، اسی وجہ سے اوپن مارکیٹ میں ریٹ ہائی ہے وگرنہ انٹربینک میں ڈالر کی قیمت اتنی زیادہ نہیں ہے۔
