اپنے منفرد گانوں سے سوشل میڈیا پر وائرل ہونے والے کامیڈین اور خود ساختہ گلوکار چاہت فتح علی خان نے کرکٹ ورلڈ کپ 2023 کے لیے ترانہ جاری کردیا ہے جو صارفین کی توجہ کا بھی مرکز بن گیا ہے۔
چاہت فتح علی خان (کاشف رانا) گزشتہ کچھ عرصے سے سوشل میڈیا پر مقبول ہیں، انہیں ماضی کے شاہکار گانوں کو بے ڈھنگے اور بے سریلے انداز میں گانے کی وجہ سے شہرت حاصل ہے۔
ورلڈکپ 2023 کے حوالے سے چاہت فتح علی خان نے اپنا نیا گانا ریلیز کردیا جس کے بول ہیں"جیتیں گے بھئی جیتیں گے، لب پہ آتی ہے دعا بن کے تمنامیری"۔
اس پر پاکستان کے نامور گلوکار علی ظفر نے بھی چاہت فتح علی خان کے گانے پر ردعمل دیتے ہوئے ٹوئٹ کی۔ انہوں نے لکھا کہ ’یہ نہیں ہو سکتا، انہوں نے میرے مصروف شیڈول کا فائدہ اٹھایا، یہ اچھی بات نہیں ہے، ان کا مقابلہ کوئی نہیں کرسکتا۔‘
علی ظفر نے مزید لکھا کہ وہ اپنی پرفارمنس سے فارغ ہوکر اسٹوڈیو جائیں گے جہاں وہ خود کرکٹ ورلڈکپ 2023 کے لیے ترانہ تیار کریں گے۔
سوشل میڈیا صارف فیضان نے لکھا کہ ’ورلڈ کپ سے قبل یہ ترانہ پاکستان کرکٹ ٹیم کا مورال بلند کرے گا‘۔
اس میں چاہت فتح علی خان نہ صرف گاتے نظر آتے ہیں بلکہ گانے پر خود ہی رقص کرتے نظر آتے ہیں۔
اس پر ایک سوشل میڈیا صارف نے کہا کہ ہماری خوش قسمتی یہ ہے کہ استاد کی آواز کے ساتھ ساتھ ہمیں استاد کا ڈانس بھی دیکھنے کو مل جاتا استاد جی آپ کا یہ احسان ہے پاکستانی قوم پر اتنے مشکل اور کٹھن حالات میں ایسی اینٹرٹینمنٹ مل جاتی
صحافی ثاقب بشیر نے سوال کیا کہ یہ کیا ہو رہا ہے ؟
اورنگزیب بٹ نے سوال کیا کہ کون بیوقوف لوگ اس کو سنتے ہیں نہ سر ہے نہ پیر
عابد مغل نے طنز کیا کہ شاباش چاہت فتح علی خان اج راحت فتح علی خان سوچ رہا ہوگا کاش ایسی اواز اس کی ہوتی
چاہت صاحب کے گانوں میں صرف موسیقی ہی نہیں بلکہ پاکستان کے ہر شعبہ کا زوال بدرجہ اتم نظر آتا ہے۔ غالب کا مصرعہ ہے نا کہ: دیکھو مجھے جو دیدۂ عبرت نگاہ ہو
- Featured Thumbs
- https://www.siasat.pk/data/files/s3/chah1i1h12h11.jpg
