کراچی کے ایک پولیس اسٹیشن میں خواتین کے سامنے شرٹ تبدیل کرنےو الے اسسٹنٹ سب انسپکٹر(اے ایس آئی) کو معطل کردیا گیا ہے۔
تفصیلات کے مطابق یہ واقعہ کراچی کے لیاقت آباد تھانے میں پیش آیا جس کا نوٹس لیتے ہوئے ڈی آئی ویسٹ عرفان بلوچ نے فوری طور پر اے ایس آئی پرویز کو معطل کردیا ہے۔
ڈی آئی جی ویسٹ عرفان بلوچ نے اپنے بیان میں کہا کہ کسی بھی پولیس افسر یا اہلکار کو ایسے کسی عمل کی اجازت نہیں دی جاسکتی۔
خیال رہے کہ لیاقت آباد پولیس اسٹیشن میں بطور اے ایس آئی انویسٹی گیشن فرائض سرانجام دینے والے پرویز کی ایک غیر اخلاقی ویڈیو سامنے آئی تھی جس میں انہوں اپنے کمرے میں دو خواتین کی موجودگی میں پولیس افسر کی شرٹ اتار کر دوسری شرٹ پہنتے دیکھا جاسکتا ہے۔
پولیس افسر کی اس حرکت پر کمرے میں موجود خواتین پریشان اور شرمسار ہوگئیں اور انہوں نے شرمندگی کے باعث اپنے چہرے دوسرے جانب پھیر لیے تھے۔
ذرائع کا کہنا ہے کہ دونوں خواتین کو ایک کیس کے سلسلے میں تنازعہ پر درج مقدمے کی تفتیش کیلئے پولیس اسٹیشن طلب کیا تھا۔
- Featured Thumbs
- https://www.siasat.pk/data/files/s3/6karaculiattababdkshhdhd.png
