پاکستان تحریک انصاف نے پنجاب میں شاندار فتح کے بعد وفاق کا رخ کرنے کا فیصلہ کرلیا ہے۔
خبررساں ادارے اے آروائی نیوز کی رپورٹ کے مطابق تحریک انصاف نے وفاق میں حکومتی اتحادی جماعتوں سے رابطہ کرکے اتحاد چھوڑنے پر قائل کرنے کافیصلہ کرلیا ہے۔
رپورٹ کے مطابق تحریک انصاف نے جماعت اسلامی، بی این پی اور بی اے پی سے رابطوں کا فیصلہ کیا ہے،اس سلسلے میں عمران خان نے تحریک انصاف کے رہنماؤں پر مشتمل ایک خصوصی کمیٹی بھی تشکیل دیدی ہے۔
پرویز خٹک کی سربراہی میں قائم کی گئی اس کمیٹی میں اسد قیصر، فواد چوہدری اور اسد عمر شامل ہیں، کمیٹی حکومتی اتحادی جماعتوں سے رابطہ کرکے انہیں حکومت چھوڑنے پر قائل کرنے کی کوشش کرے گی۔
واضح رہے کہ وفاقی حکومت کی اتحادی جماعت بی اے پی اور عوامی نیشنل پارٹی نے گزشتہ دنوں حکومت کی جانب سے وعدے پورے نا ہونے پر حکومت سے علیحدگی پر غور شروع کردیا تھا اور ان جماعتوں کے رہنماؤں نے اسمبلی میں اس کا اظہار بھی کیا تھا۔
- Featured Thumbs
- https://www.siasat.pk/data/files/s3/pij111h.jpg
