
بھارتی میزائل کا حادثاتی طور پر چلنا اور میاں چنوں میں گرنا الگ بات لیکن اس غلطی سے پاکستان میں بڑا حادثہ رونما ہوسکتا تھا، ایو ایشن ذرائع کے مطابق اس حادثے کے وقت اس علاقے کے آس پاس دو بین الاقوامی سمیت چار کمرشل فلائٹ فضا میں تھیں۔
ایوی ایشن ذرائع نے انکشاف کیا کہ اگر بھارتی میزائل کی ڈائریکشن اوپر یا بلندی کی طرف ہوتی تو خدانخواستہ کوئی ایک طیارہ حادثے کا شکار ہوسکتا تھا،ذرائع کے مطابق 9 مارچ کی شام حادثے کے وقت خانیوال ساہیوال اور چیچہ وطنی کے اوپر 2 غیر ملکی سمیت چار کمرشل طیارے پرواز کررہے تھے۔
ایوی ایشن ذرائع نے مزید بتایا کہ لاہور سے کراچی کیلئے روانہ ہونے کے نجی ایئرلائنز ایئربلیو کی پرواز پی اے 405 ٹھیک 6:33 بجے 35700 فٹ کی بلندی پر چیچہ وطنی کے اوپر پرواز کررہی تھی،جبکہ مسقط سے سیالکوٹ کے لیے اسلام ایئر کی پرواز اے وی301 بھی خانیوال کے قریب 39 ہزار فٹ کی بلندی سے محو پرواز تھی۔
اتنا ہی نہیں فلائی دبئی کی پرواز ایف زیڈ 338 سیالکوٹ سے دبئی کیلئے روانہ ہوکر اس وقت ساہیوال کے قریب 30 ہزار فٹ کی بلندی پر تھی جبکہ پاکستان انٹرنیشنل ایئر لائنز کی پرواز پی کے 305 جو عین اس وقت 27400 فٹ کی بلندی سے ساہیوال اور چیچہ وطنی کے درمیان سفر میں تھی۔
اتنے بڑی سنگین غلطی کے بعد بھی بھارت کو ہوش نہ آیا پاکستان نے معاملہ اٹھایا تو بھارت نے معذرت کی،بھارتی وزارت دفاع نے کہا کہ معمول کی دیکھ بھال کے دوران تکنیکی خرابی کی وجہ سے میزائل حادثاتی طور پر فائر ہوا۔
- Featured Thumbs
- https://www.siasat.pk/data/files/s3/indian-mass-pak.jpg
Last edited by a moderator: