پاکستان میں اے ٹی ایمز کی ممکنہ بندش کی خبروں پر پی ٹی اے کی وضاحت
پاکستان میں اے ٹی ایمز خی ممکنہ بندش پر پی ٹی اے نے وضاحت دے دی,پاکستان ٹیلی کمیونیکیشن اتھارٹی نے اے ٹی ایم سروسز کی ممکنہ بندش سے متعلق خبروں کو جھوٹ قرار دیا۔
پی ٹی اے نے کہا میڈیا میں پھیلی خبریں جعلی ہیں, ایل ڈی آئی نیٹ ورکس عدم دستیاب یا بند نہیں کیے گئے، جس کی وجہ سے آئی ٹی یا مالیاتی سیکٹر بشمول اے ٹی ایم نیٹ ورکس متاثر ہونے کے ممکنہ طور پر کوئی امکانات نہیں ہیں۔
پی ٹی اے کے مطابق میعاد ختم ہونے والے ایل ڈی آئی لائسنسوں کے آپریشنز معطل یا بند نہیں ہیں۔
میڈیا میں خبریں زیر گردش تھیں کہ لانگ ڈسٹنس انٹرنیشنل آپریٹرز کے لائسنس کی تجدید نہ ہونے سے ملک میں موبائل، انٹرنیٹ سروسز اور اے ٹی ایمز متاثر ہو سکتے ہیں۔
اس سے قبل ون لنک نے سوشل میڈیا پر زیر گردش ان رپورٹس کی سختی سے تردید کی تھی جس میں کہا گیا تھا کہ سائبر حملے کے باعث پاکستان میں 2 سے 3 روز تک اے ٹی ایمز بند رہیں گے۔
- Featured Thumbs
- https://www.siasat.pk/data/files/s3/atmahi11h21.jpg
