کچھ روز قبل پنجاب کے شہر تاندلیا نوالہ میں دھند کے باعث ایک گاڑی گنے کی ٹرالی سے ٹکرا گئی، جس کے نتیجے میں ایک ہی خاندان کے 6 افراد موقع پر ہی جان کی بازی ہار گئے۔
جاں بحق ہونے والے افراد میں خواتین اور بچے بھی شامل ہیں، جن میں بچوں کی عمریں 3سے6سال کے درمیان بتائی جارہی ہیں۔
گنے کے ٹرک سے بری طرح تباہ ہوئی اور بالکل ٹین ڈبہ کا منظر پیش کرنے لگی۔۔ تصاویر منظرعام پر آنے کے بعد سوشل میڈیا صارفین نے سوزوکی کمپنی کو خوب تنقید کا نشانہ بنایا اور سوزوکی کمپنی کی گاڑی کو ٹین ڈبہ قرار دیا۔
ان کا کہنا تھا کہ اس کمپنی کی گاڑیاں چلتی پھرتی موت ہیں، اس پر پابندی عائد ہونی چاہئے۔یہ گاڑیاں کباڑ سے بھی گئی گزری ہیں۔
صحافی زاہد گشکوری نے وزیراعظم شہباز شریف سے اپیل کرت ہوئے کہا کہ وزیر اعظم شہباز شریف صاحب اور رانا تنویر حسین صاحب اس گاڑی کے بالکل ناقص معیار کا نوٹس لیں گے ؟ آج ایک خاندان کے چھ افراد جان کی بازی ہار گئے۔
شفقت علی نے تبصرہ کرتے ہوئے لکھا کہ 29 لاکھ کا یہ ٹین ڈبہ سوزوکی آلٹو سڑکوں پر چلتی پِھرتی موت ہے۔ پاکستانی عوام پیسے دے کر اپنے لیے یہ موت خریدتی ہے۔۔۔۔ اس گاڑی میں نہ تو سیکورٹی فیچر ہیں اور نہ ہی کوالٹی۔۔۔ اگر کسی ترقی یافتہ ملک میں کوئی کمپنی اتنی ناقص کوالٹی کی گاڑی بناتی تو اب تک کمپنی پر پابندی عائد ہو جانی تھی۔۔۔۔
مہوش قمس خان نے لکھا کہ پاکستان میں اس ناکارہ سوزوکی کار کی قیمت 32 لاکھ روپے ہیں
صحافی وحید مراد کا کہنا تھا کہ یہ سوزوکی کی آلٹو ہے۔ پاکستان میں ٹین ڈبہ 32 لاکھ روپے کا بیچا جا رہا ہے۔ اپنی جان بچانے کے لیے ضروری ہے کہ مال بچائیں۔ سوزوکی خریدنے سے بچیں۔
صبیح الحسن نے ردعمل دیا کہ اس ملک میں جسکا جودل چاہتاہےکرتاپھرتاہےکوئی پوچھنےوالا نہیں۔ آخر پاکستان میں ٹین ڈبے بنانے والی سوزوکی، کرولا، ہنڈا کی فیکٹریوں کو کوئی پوچھتا کیوں نہیں؟ اُلٹا گاڑیوں کی ایمپورٹ پر سختیاں کررکھی ہیں تاکہ لوگ ملک میں بنی گاڑیاں خریدیں۔ بھئی آپ معیار بھی تو دیں جاپان جرمنی والا
نظام نے تبصرہ کیا کہ سارے اشرافیہ اس جُرم میں برابر کے شریک ہیں کیوں کہ سب مل کر کھاتے ہیں، موٹر وے پر سوزوکی آلٹو گاڑی اُلٹ گئی اور گاڑی کی کوالٹی چیک کریں ذرا، ایسے لگتا ہے کہ ٹرین کے نیچے آ گئی ہو، ایسی کمپنیوں کو پاکستان سے نکال باہر کرنا چاہئیے
صابر ہاشمی نے تبصرہ کیا کہ سوزوکی کمپنی کی تقریباً 30 لاکھ کی گاڑی خود کش بمبار سے کم نہیں ہے،ان چوروں نے لوٹ مار مچائی ہوئی ہے، ٹین ڈبے بھی شاید اس سےمضبوط ہوتا ہے، کیا اس کمپنی سے کوئی پوچھنےوالا نہیں ہے،کیا انکی مارکیٹ میں اجارہ داری بدمعاشی یونہی قائم رہےگی اور یہ ایسےہی خود کش بمبار تیار کرتےرہیں گے۔
میاں جاوید کا کہنا تھا کہ پاکستان میں سوزوکی آلٹو ۔ اتنی ہلکی اتنی لو کوالٹی میٹریل سے بنی ہوئی گاڈی ہے کہ چلتی پھرتی موت ہے اگر ایکسیڈنٹ ہو جائے تو ایک بھی پرزہ سلامت نہیں بچتا اور گاڈی کے اندر بیٹھے ہوئے لوگ بچ جائیں سوال ہی پیدا نہیں ہوتا
سوزوکی والے اِس چلتے پھرتے کباڑ کے 30 لاکھ روپے تک لیتے ہیں، اللہ محفوظ رکھے ہر اُس شخص کو جو یہ گاڑی خریدتا ہے، پتہ نہیں کب ہماری حکومتیں اِس کار مافیا کے شکنجے سے نکلیں گی۔۔!!
- Featured Thumbs
- https://www.siasat.pk/data/files/s3/suzh1i1h.jpg
