افغانستان کرکٹ ٹیم کے سابق کپتان اصغر افغان ریٹائرمنٹ سے پہلے اپنے آخری انٹرویو کے دوران میچ میں پاکستان سے شکست کی بات کرتے ہوئے آبدیدہ ہوگئے۔ اصغرافغان کا کہنا تھا کہ ریٹائرمنٹ کا فیصلہ میرے لیے آسان نہیں تھا، لوگ پوچھ رہے ہیں اس وقت ہی ریٹائرمنٹ کیوں، میرےپاس کوئی جواب نہیں۔
افغانستان کے سابق کپتان نے اتوار کو انکشاف کیا کہ انہوں نے اس لیے ریٹائرمنٹ کا فیصلہ اس لئے لیا کیونکہ پاکستان سے شکست کا نقصان ان کے لئے برداشت کرنا بہت مشکل تھا۔
انہوں نے کہا کہ گزشتہ میچ میں پاکستان کے خلاف شکست سے ہمیں بہت زیادہ تکلیف ہوئی ہے اور اسی وجہ سے میں نے ریٹائرمنٹ کا فیصلہ کیا۔
اصغرافغان کا کہنا تھا کہ ریٹائرمنٹ کا فیصلہ میرے لیے آسان نہیں تھا،لوگ پوچھ رہے ہیں اس وقت ہی ریٹائرمنٹ کیوں،میرےپاس کوئی جواب نہیں، میرے خیال سے یہ ریٹائرمنٹ کا اچھا موقع ہے، ریٹائرمنٹ کا مقصد نوجوان پلیئرزکو موقع دینا ہے، کرکٹ سے میری بہت سی یادیں وابستہ ہیں۔
سابق کپتان اصغر افغان کو ٹی 20 ورلڈکپ میں آج نمیبیا کے خلاف آخری میچ میں گارڈ آف آنر پیش کیا گیا۔ جب اصغر افغان بیٹنگ کے لیے میدان میں داخل ہوئے تو نمیبیا کے تمام کھلاڑی ایک قطار میں کھڑے ہوئے اور تالیاں بجاتے ہوئے ان کا استقبال کیا۔
واضح رہے کہ آل راؤنڈر اصغر افغان نے 6 ٹیسٹ، 114 ون ڈے اور 74 ٹی 20 میچز کھیلے ہیں، افغان کرکٹ بورڈ حکام نے اصغر کی ریٹائرمنٹ کی تصدیق کرتے ہوئے کہا ہے کہ سابق کپتان کے فیصلے کی قدر کرتے ہیں۔
- Featured Thumbs
- https://www.siasat.pk/data/files/s3/6asgarafan.jpg
Last edited:
