قومی کرکٹ ٹیم کے کپتان بابراعظم نے کہا ہے کہ اگر ہماری طرف کے فینز بھی یہاں آتے تو ہمیں مزید اچھا لگتا۔
تفصیلات کے مطابق آئی سی سی ورلڈ کپ 2023 کے آغاز سے قبل احمد آباد میں ایک ٹی وی پروگرام میں کیپٹنز ڈے شو میں تمام ٹیموں کے کپتان شریک ہوئے، شو میں شرکت کیلئے بابراعظم خصوصی طیارے کے ذریعے حیدرآباد سے احمد آباد پہنچے جہاں ان کا پرتپاک استقبال کیا گیا۔
بابراعظم نے شو میں گفتگو کرتے ہوئے کہا کہ بھارت میں توقعات سےبرعکس ہمارا استقبال ہوا،ایئرپورٹ سے ہوٹل اور پھر گراؤنڈ تک ہماری مہمان نوازی دیکھ کر بہت اچھا لگا، بھارتی شائقین کو دیکھ کر بھی بہت اچھا لگا،ہمیں مزید اچھا لگتا اگر ہماری طرف سے فینز بھی یہاں موجود ہوتے۔
بابراعظم نے کہا کہ ہماری ٹیم میں شامل تمام کھلاڑی گزشتہ 3 سال سے ایک ساتھ کھیل رہے ہیں، پہلی گیند سے ہی جیتنے کیلئے کھیلیں گے، بھارتی گراؤنڈ میں باؤنڈریز چھوٹی ہیں جس سے بلے بازوں کو فائدہ ہوگا۔
قومی ٹیم کے کپتان کا کہنا تھا کہ ہماری طاقت ہمیشہ سے ہی باؤلنگ رہی ہے اور اب بھی ہماری سٹرینتھ باؤلنگ ہی ہے، بھارت میں کنڈیشنز پاکستان اور جنوبی ایشیاء جیسی ہی ہیں۔
- Featured Thumbs
- https://www.siasat.pk/data/files/s3/babarzz1h11.jpg
