پاکستانی نژاد امریکی شہری کیپٹن عدیل رانا نیویارک پولیس ڈیپارٹمنٹ میں ڈپٹی انسپکٹر کے عہدے تک پہنچ گئے۔ انہیں محکمے کی جانب سے اس عہدے پر ترقی دے کر رینک بھی تفویض کر دیئے گئے ہیں۔
تفصیلات کے مطابق نیویارک پولیس کی تاریخ میں پہلی بار کوئی پاکستانی نژاد امریکی شہری ترقی پا کر ڈپٹی انسپکٹر کے عہدے تک پہنچ سکا ہے۔
سید نصیر وجاہت نامی سوشل میڈیا صارف نے اس متعلق کہا کہ وہ عدیل رانا کو اس کامیابی پر اور اہم سنگ میل عبور کرنے پر مبارکباد پیش کرتے ہیں کیونکہ وہ اس کے صحیح حقدار بھی تھے۔
عدیل رانا نیویارک پولیس ڈیپارٹمنٹ میں کمانڈنگ آفیسر تعینات ہوئے تھے، وہ اس عہدے تک پہنچنے والے پہلے پاکستانی نژاد امریکی ہیں۔ عدیل رانا کو کیپٹن کے عہدے سے ترقی دے کر منگل کے روز ڈپٹی انسپکٹر کے عہدے کا پروموشن لیٹر دیا گیا۔
انہیں اس باوقار عہدے پر ترقی پاتا دیکھ کر امریکا میں مقیم پاکستانی شہری بہت خوش ہیں کہ اس طرح سے پاکستانی ترقی کریں تو ہماری قدر میں مزید اضافہ ہوگا۔
- Featured Thumbs
- https://www.siasat.pk/data/files/s3/adeel-rana-nyc.jpg
