پاکستانی کھلاڑی کھیل کوئی بھی ہو کسی سے کم نہیں،میدان مار ہی لیتے ہیں،پاکستان انڈر نائنٹین ٹیم کے کپتان قاسم اکرم نے بڑا کارنامہ انجام دے دیا، ایک ہی میچ میں سنچری بنانے اور پانچ وکٹیں لینے والے پہلے کھلاڑی بن کر تاریخ رقم کردی۔
کپتان قاسم اکرم نے سری لنکا کے خلاف پانچویں پوزیشن کے پلے آف میں قاسم اکرم نے سنچری کے بعد 5 کھلاڑیوں کو آؤٹ کر کے ریکارڈ بنا دیا،قاسم اکرم انڈر19 ون ڈے میچ کے واحد کھلاڑی ہیں جنہیں ایک ہی میچ میں سنچری کے ساتھ 5 وکٹیں لینے کا اعزاز حاصل ہے۔
نارتھ ساؤنڈ میں کھیلے گئے میچ میں پاکستان نے پہلی بیٹنگ کرتے ہوئے 3 وکٹوں پر 365رنز بنائے، حسیب اللہ خان نے 136 اور کپتان قاسم اکرم نے 135رنز کی ناقابل شکست اننگز کھیلی،دونوں کھلاڑیوں کے درمیان دوسری وکٹ پر 229رنز کی شراکت قائم ہوئی،
قاسم اکرم 63 گیندوں پر سنچری مکمل کرکے پاکستان کی جانب سے انڈر 19 ورلڈکپ میں تیز ترین سنچری بنانے والے بیٹر بنے،366 رنز کے ہدف کے تعاقب میں سری لنکن انڈر 19 ٹیم کی بیٹنگ لائن ریت کی دیوار ثابت ہوئی اور پوری ٹیم صرف 127 رنز پر ڈھیر ہوگئی،ویسٹ انڈیز میں کھیلے جارہے انڈر 19 کرکٹ ورلڈ کپ کے پلے آف میچ میں پاکستان نے سری لنکا کو 238رنز سے شکست دےکر پانچویں پوزیشن حاصل کی۔
- Featured Thumbs
- https://www.siasat.pk/data/files/s3/qasim-akram-u19.jpg
