ٹی ٹوئنٹی ورلڈ میں پاکستان سے بدترین شکست اور ایک کے بعد ایک میچ میں ناکامی پر بھارت کو شدید تنقید کا سامنا ہے،ٹی ٹوئنٹی ورلڈ کپ میں دوسرے میچ میں شکست کے بعد بھارتی کرکٹ ٹیم کے فاسٹ باؤلر جسپریت بمراہ کچھ مایوس ہوگئے
کہتے ہیں کہ ہماری ٹیم کورونا وائرس کے باعث ببل کی پابندی سے تھکاوٹ کا شکار ہوگئی اور کھلاڑیوں پر مسلسل 6 ماہ کے سفر کے کا اثر بھی پڑ رہاہے۔
ورلڈ کپ شروع ہونے سے ایک ہفتے قبل ختم ہونے والے آئی پی ایل کے میچوں کی وجہ سے تھکاوٹ سے متعلق ایک سوال پر جسپریت بمراہ نے کہا کہ کبھی کبھی کبھار وقفے کی ضرورت ہوتی ہے۔
انکا مزید کہنا تھا کہ آپ اپنے خاندان کو یاد کرتے ہیں جب آپ 6 ماہ سے اپنے گھر سے دور ہوں،ہم لوگ کبھی کبھار گم دماغ سے کھیل رہے ہوتے ہیں،لیکن جب آپ فیلڈ میں ہوتے ہیں تو آپ ایسی باتوں کے بارے میں نہیں سوچتے، یقیناً گھر سے باہر رہنا اور طویل مدت کے لیے خاندان سے دور رہنا اس میں اہم کردار ادا کرتا ہے۔
انہوں نے کہا کہ بی سی سی آئی نے بھی ہمیں مطمئن کرنے کی کوشش کی لیکن یہ مشکل وقت ہے،ابھی عالمی وبا موجود ہے لہٰذا آپ بہتری کی کوشش کرتے ہیں لیکن کبھی کبھار تھکاوٹ ہوجاتی ہے اور دماغی تھکاوٹ بھی ہوجاتی ہے،نیوزی لینڈ کے ساتھ میچ میں ٹیم کو سہارا دینے کی کوشش کی، ہم اضافی رنز بناکر فائدہ چاہتے تھے لیکن ایسا ہو نہیں سکا۔
بھارتی ٹیم سپر 12 کے مرحلے میں نیوزی لینڈ سے آٹھ وکٹوں سے شکست کے بعد گروپ ٹو میں پانچویں نمبر پر آگئی ہے، جبکہ بھارتی ٹیم کے لیے اگلے تینوں میچوں میں کامیابی بھی سیمی فائنل تک نہیں لے جاسکتی ہے۔
- Featured Thumbs
- https://www.siasat.pk/data/files/s3/bumrah-211332.jpg
