سوشل میڈیا پر ایک ویڈیو بڑی تیزی سے وائرل ہو رہی ہے جس میں دیکھا جا سکتا ہے کہ ایک ٹریفک وارڈن نے معمر شخص کو گود میں اٹھا رکھا ہے اور اسے سڑک پار کروا رہا ہے۔
تفصیلات کے مطابق یہ ویڈیو لاہور کے علاقے گلبرگ کی ہے جہاں ایک بزرگ گاڑیوں کی تیز رفتاری کے باعث گھبرا جاتا ہے اور سڑک کو عبور نہیں کرپاتا۔
یہ معاملہ موقع پر موجود ٹریفک وارڈن نے دیکھا تو اس نے آگے بڑھ کر بزرد کی مدد کی، وارڈن نے دیکھا کہ بزرگ گاڑیوں کی تیز رفتار سے ڈر رہا ہے تو اس نے اسے گود میں اٹھا کر سڑک پار کرا دی۔
اس واقعہ کی ویڈیو سوشل میڈیا پر بڑی تیزی سے وائرل ہو رہی ہے۔ جہاں صارفین اس کی تعریفیں کر رہے ہیں اور اسے دعائیں دے رہے ہیں۔
دوسری جانب سی ٹی او لاہور نےبھی مذکورہ وارڈن کو شاباش دیتے ہوئے اس کے لیے تعریفی سند کا اعلان کیا ہے۔
- Featured Thumbs
- https://www.siasat.pk/data/files/s3/traffic-warden-viral1121.jpg
